मेथा 12:18 - ॱलोवा

¹⁸ “ङी दाम्‍दा ङी श्‍यीप्‍ची, ङी सेम घागीन ङी चेवे देला तो़। ङा ङी थुक्‍ङी खी़ खाला श्‍याक्‍येहीन, धेनी खी़ मीरीक घीरीला, ठीम्‍चो़गी सेटाक झ्‍यीगीलाक।

मेथा 12:18 ပူးပေါင်းရင်းမြစ်များ

मेथा 12:17

दे नी ॱङो़नस्‍येखेन यस्‍यायागी सुङगीनगो डुप्‍येगी क्षीला झ्‍युवालाक,

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मारकु 1:11

धेनी नाम्‍खाने सुङकेक च्‍यीक घोरपालाक, “ख्‍यो़ ङी भीजा ढीन्‍चेन हीन। ख्‍यी़मुला ङा ॱमीच्‍यीकी ङ्यामो घा हो़क।”

मारकु 9:7

धेनी ॱरीङ च्‍यीकगी खोङबाक्‍याला तुम्‍दी, होदे साङने केक च्‍यीकगी देरे सुवालाक, “दे ङी से ढीन्‍चेनगो हीन। खी़ काला ङेन श्‍यीक।”

लुका 23:35

मीक्‍या लाङदी तेरी धे हो़तालाक हीना पो़न्‍पोक्‍याई खोङबाला ॱमेज्‍यु तारी ॱनेवालाक, “दे मी देगी श्‍येम्‍माक्‍याला क्‍योप्‍जुङ। धा दे को़न्‍क्षोकगी दाम्‍दा मास्‍यीकागो हीन्‍ना खोराङलाः क्‍योप्‍पास्‍योक।”

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 9:35

धेनी ॱरीङगी खोक्‍ने देरे सुङकेक च्‍यीक थो़न्‍बालाक, “दे ङी से धाङ ङी दाम्‍दागो हीन। खोङला ङेन।”

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

२ पेटो 1:17

घीझ्‍येरी ॱनाना याप को़न्‍क्षोकने खोङबाला कुरती धाङ शीजे थोप्‍यी घाङला, शीजे धाङ धेन्‍पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्‍यीकी ङ्यामो घा हो़क।” सुरी सुङकेक दे थो़न्‍बालाक।