30 घीझ्येरी ॱनाना ङी ॱङ्यास्यीङ लेल्हा धाङ ङी खु याङा हो़क।”
होदे धी़ला, येशु ङासुगीन ङीमा च्यीकला, श्यीङगी लाम्गाने फेप्पालाक। खोङबागी ङेनेक्या तोक्ती, ढोगी ॱङीमाक्या थी़री शेवालाक।
ङाने खेक्याला श्यीदे थोप्येगी क्षीला, ङी खेक्याला देक्या स्येबी। जीक्तेनदु खेक्याला दुक्पु ङ्याङगीलाक हीना सेम ल्हो़ झ्यी, ङी जीक्तेनला ग्याहो़क।”
धा, होराङ धाङ होरी धाङबी फामाक्यागीयाः खुर ॱमाथुप्कीन खु दे, खुङक्या खाला कारी, घीझ्येरी को़न्क्षोकला खोङडो लाङाले?
धा ची घोगीन लाब ॱनेछागोक्या माना, खेराङक्याला श्येम्मा ठीमक्याई खु खुरतु ॱमीच्युक्ये ॱनेरी, धाम्पे थुक्ङी धाङ हेक्याई धेन्पा साम्जुङ
घीझ्येरी ॱनाना युन तुङागी दुक्पो याङा दी, हेक्याई क्षीदु दुरये मेगीन, थामेपे शीजेगो डाढीक झ्यीदी हो़तालाक।
राङवाङगी क्षीला, मास्यीकागी होराङला राङवाङ ॱनावालाक होझ्येरी क्षो़ठीमगी ढेन्योक होकला ॱमीछी़दा, तेन्पो झ्येरी धो़क।
हीना खेक्या धाम्पे थुक्ङीगी थोक्ने ठीया जेना, खेक्या क्षो़ठीमगी वाङगी होकदु मेतालाक।
ङाला तोपस्युक ॱनाङगीनगी गोने, ङी घीरी झ्यी थुक्वा।
को़न्क्षोकगी काठीम ॱरुङना राङ, खोङला चेवा झ्यीये लाक। धेनी खोङगी काठीमक्या काल्ले घाक्वा मेतालाक।
