मेथा 11:25 - ॱलोवा

²⁵ होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:25 ပူးပေါင်းရင်းမြစ်များ

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 21:16

धेनी खुङक्‍याई येशुला ढीवालाक, “देक्‍याई घी ॱनी ख्‍यी़ घोरी?” धेनी येशुगी खुङक्‍याला सुवालाक, “घोरी। ‘टुवाक्‍या धाङ होमा थुङगीन ॱमाङ्याकक्‍याई खाने, खेराङगी तो़टा झ्‍यीदु च्‍युक्‍दुक।’ ॱनेरी सुङरापला ढीक्‍टागो खेक्‍याई नामा ॱमालोक हो़ती?”

लुका 22:42

“ङी याप खेराङगी थुकोङ हो़ना, दे दुक्‍पुगी फोरा दे ङाने ॱहाला ॱनुमा जे। हीना ङी दो़पा मेन्‍दा खेराङगी थुकोङ डुपास्‍योक।”

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 12:27

“धा ङी सेम ठुक दुक। ङा घी ॱनागु? के याप, दे धी़चो़ देने ङाला क्‍योबा जो़। मालाक, ङा दो़न दीगी क्षीलाराङ दे धी़ थुक्‍पे होवाहीन।

योहान्‍ना 12:28

याप ला, खेराङगी छेनला शीजे धाङ धेन्‍पा जेरो।” धेनी नाम्‍खे श्‍यीङखामने सुङकेक च्‍यीकगी सुवालाक, “ङी शीजे धाङ धेन्‍पा जेहो़क धेनी धाब्‍ले शीजे धाङ धेन्‍पा झ्‍यीयेहीन।”

जेपा 17:24

जाम्‍बुलीङ धाङ देला हो़गीन घीरी को़ ॱनाङगीन, को़न्‍क्षोकराङ नाम्‍खे श्‍यीङखाम धाङ जाम्‍बुलीङगी चोवो लाक। खोङबा मीक्‍याई शो़सा ल्‍हाखाङदु मीश्‍युक्‍वालाक।

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।