मेथा 11:22 - ॱलोवा

²² हीना ङा खेक्‍याला ॱनाहीन, ठीम चेगीन ङीमाला खेक्‍याले ल्‍हाक, ताएर धाङ सीदोनगी ॱनेछुला शो़पा श्‍येगीलाक।

मेथा 11:22 ပူးပေါင်းရင်းမြစ်များ

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 11:21

“ख्‍ये कोराजीनक्‍या ॱङ्याली, ख्‍ये बेथसेदाक्‍या ॱङ्याली। खेक्‍याई दोङदु झ्‍युङगीन ॱहाङसागीन क्षाक्‍लेक्‍या, ताएर धाङ सीदोनदु झ्‍युहो़ना, खुङक्‍या एम्‍मानेराङ चाफे घो़न्‍दी, घोक्‍था ढी़री खोरी धीक्‍पा पारी सेम ग्‍युरहो़टु।

मेथा 11:24

हीना ङा खेक्‍याला ॱनाहीन, ठीम चेगीन ङीमाला, खेक्‍याले ल्‍हाक सादोमला शो़पा श्‍येगीलाक।”

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

लुका 10:14

हीना ठीम चेगीन ङीमागोला ताएर धाङ सीदोनने ल्‍हाक खेक्‍याला ठीम फोक्‍कीलाक।

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।