मेथा 10:40 - ॱलोवा

⁴⁰ “खेक्‍याला खेलेन झ्‍यीगीनक्‍याई, ङाला खेलेन झ्‍यीदालाक धेनी ङाला खेलेन झ्‍यीगीनक्‍याई, ङाला झाङगीनगोला खेलेन झ्‍यीदालाक।

मेथा 10:40 ပူးပေါင်းရင်းမြစ်များ

मेथा 18:5

दे टु च्‍योक्‍रे टु च्‍यीकला, ङी मीङने खेलेन्‍ना, होदेगी ङाला खे लेन्‍दालाक।

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 25:45

धेनी खोङगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़नक्‍याने च्‍युङस्‍योक च्‍यीकला खीकी देरे माझ्‍येवाला, खीकी होदे ङाला माझ्‍येवालाक।’

मारकु 9:37

“ङी मीङने टु च्‍यीमे देला सी़ खेलेन्‍दी, होदेगी़ ङाला खे लेन्‍दालाक। धेनी ङाला खे लेन्‍गीनगी़, ङा मेन्‍दा ङाला ताङगीनला खे लेन्‍दालाक।”

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 13:20

ङा खेक्‍याला धेन्‍पा धेनक्‍याङ ॱनाहीन, ङी झाङगीनगोला खेलेन झ्‍यीगीनगी़ ङाला खेलेन झ्‍यीदालाक धेनी ङाला खेलेन झ्‍यीगीनगी़ ङाला ॱङाक्‍कीनगोला खेलेन झ्‍यीदालाक।”

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

गालातीयापा 4:14

धेनी ङा थाङा मेगीनगो खीकी क्षीला छो़ता झ्‍युरीयाः, खीकी ङाला ॱनाम्‍दोक याङना थोङच्‍युङ माझ्‍येजुङ हीना को़न्‍क्षोकगी भाङछेन धाङ येशु मास्‍यीका हीन्‍गीन च्‍योक्‍रे, ङालाः खेलेन झ्‍येजुङ।

१ थेसालोनीकेपा 4:8

होझ्‍येरी दे लाबला ॱमीचीगीनक्‍या मीगी ॱलापच्‍याला मेन्‍दा, धाम्‍पे थुक्‍ङी ॱनाङगीन को़न्‍क्षोकला ङोलोक झ्‍यीदालाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।