मेथा 10:27 - ॱलोवा

²⁷ ङी खेक्‍याला मी़नाक्‍पाला ॱनागीनगो, हो़ नाङदु स्‍यो़क धेनी खाबा खीकी आमच्‍योकला ङेन्‍गीनगो, खाङबागी थोक्‍ने सेटाक झ्‍यी।

मेथा 10:27 ပူးပေါင်းရင်းမြစ်များ

मेथा 24:17

धेनी खाङबागी ताङला हो़गीनक्‍या, खाङबा नाङदु हो़गीनगो लेन्‍दु माला भाप्‍ती माडोवास्‍योक

लुका 12:3

होझ्‍येरी खेक्‍याई मी़नाक्‍पाला ॱनेना लाबक्‍या, हो़क नाङदु घोरकीलाक। धेनी खीम बुकने खाबा ॱनेना लाबक्‍या, नाङगी थोक्‍ने सेटाक झ्‍यीगीलाक।

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

योहान्‍ना 16:1

येशुगी सुवालाक, “खेक्‍याई धेपा मेङ्याम्‍येगी क्षीला, दे घीरी ङी स्‍येपाहीन।

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

योहान्‍ना 16:25

“ङी खेक्‍याला देक्‍या पेगी गोने स्‍येहो़क। हीना यापगी कोरला खेक्‍याला पेगी गोने मेन्‍दा सावो स्‍येयेगी धी़गो स्‍यारकीलाक।

योहान्‍ना 16:29

खोङबागी ङेनेक्‍याई श्‍यी़वालाक, “धा खेराङ पेगी थोक्‍ने मेन्‍दा, सावो सुङा जेदी।

जेपा 17:17

होझ्‍येरी खो याहुदापाक्‍या धाङ को़न्‍क्षोकला चीगीन, गीरीक मीक्‍यामुला छोक्‍खाङदु सोरी चो़लीङ झ्‍यीदालाक धेनी ठोमला ग्‍युक्‍कीन मीक्‍यामुलाः च्‍योई येशुगी कोरला चो़लीङ झ्‍यीदालाक।

जेपा 5:20

“क्षो़खाङक्‍याला सोरी मीक्‍याला दे मीछे साबागी लाब घीरी स्‍ये।”

जेपा 5:28

“हेक्‍याई खेक्‍याला येशुगी मीङने क्षो़ ॱमास्‍ये ॱनेरी, का तेरपा माले? हीना खेक्‍याई खेरी क्षो़क्‍या येरुसालेम घीरीला टाम्‍सादुक। धेनी होदे मीगी ठाकगी क्‍यो़नगो हेला चुक्‍ये झ्‍यीदीक।”

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।