मेथा 10:25 - ॱलोवा

²⁵ ङेने च्‍यीक राङगी घेगेन च्‍योक्‍रे धाङ ॱयोक्‍पो च्‍यीक राङगी दाक्‍पो च्‍योक्‍रे झ्‍युङना ढीक्‍कीलाक। नाङगी दाक्‍पोला बेएलजेबुल ॱनेरी, खुङक्‍याई ॱनेहो़ना, नाङमीक्‍याला होदेने ल्‍हाक घाजो़ ॱनी हो़टु?”

मेथा 10:25 ပူးပေါင်းရင်းမြစ်များ

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 12:27

धा ङी बेएलजेबुलगी थोक्‍ने डेक्‍या तो़न्‍ना, खीकी भीजाक्‍याई सी़ थोक्‍ने होदे तो़न्‍गीले? होझ्‍येरी देक्‍याराङ खीकी ठीम्‍पो़न झ्‍युङगीलाक।

मेथा 9:34

हीना फारुसीपाक्‍याई ॱनेवालाक, “धी़कक्‍याई ग्‍यावुगी थोक्‍ने खी़ डेक्‍या तो़न्‍दालाक।”

मारकु 10:39

खुङ ॱङीउगी झ्‍यी थुक्‍येहो़क ॱनेरी लेन श्‍यी़वालाक। धेनी येशुगी सुवालाक, “ङी थुङगीन फोरा देने, खे ॱङीउगी थुङगीलाक धेनी ङी लेन्‍गीन ठी़सो़ खे ॱङीउगी लेन्‍गीलाक

मारकु 3:22

धेनी येरुसालेमने होवा क्षो़ठीमगी ॱलोपो़नक्‍याई ॱनेवालाक, “खो नाङदु डेक्‍याई चो बेएलजेबुल जुदुक। धेनी होदेगी आङजानेराङ खो डेक्‍या तो़न्‍दी।”

लुका 11:15

हीना मीक्‍याने रीङगागी ॱनेवालाक, “खो नी डेक्‍याई ॱरेउ बेएलजेबुलगी थोक्‍ने डेक्‍या तो़न्‍दालाक।”

लुका 11:18

धा सातान नाङदुवा ठुक हो़ना, खी़ ग्‍याखाप घाङगी झ्‍येरी ॱनेगीले? ङा दे ॱनाहीन घीझ्‍येरी ॱनाना खेक्‍या ङा बेएलजेबुलगी थोक्‍ने, डेक्‍या तो़न्‍दी ॱनेरी ॱनालाक।

लुका 11:19

धा ङा बेएलजेबुलगी थोक्‍ने डे तो़न्‍दा हीन्‍ना, खेक्‍याई भीजाक्‍या सी़ थोक्‍ने तो़न्‍दाले? होझ्‍येरी खुङक्‍याराङ खीकी ठीम्‍पो़न झ्‍युङगीलाक।

योहान्‍ना 10:20

खुङक्‍याने माङक्षेगी ॱनेवालाक, “खी़ नाङदु डे जुदुक धेनी खो ॱङ्यो़दुक। खेक्‍या घीझ्‍येरी खी़ लाबला ङेन्‍दा?”

योहान्‍ना 7:20

धेनी मीछोकगी ॱनेवालाक, “ख्‍यो़ला डे जुदुक। सी़ ख्‍यो़ला सेयेला थापस्‍यी चालीओ?”

योहान्‍ना 8:48

याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।