मेथा 10:22 - ॱलोवा

²² धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 10:22 ပူးပေါင်းရင်းမြစ်များ

मेथा 10:39

राङगी सोक क्‍योप्‍कीनगी़ होदे स्‍योरतु च्‍युक्‍कीलाक धेनी ङी दो़न्‍दु राङगी सोक स्‍योरती च्‍युक्‍कीनगी़, होदे क्‍योप्‍कीलाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

मेथा 5:11

“ङी दो़न्‍दु खेक्‍याला मीक्‍याई ॱमेबेप ताङये धाङ दुक्‍पु ताङये धाङ ख्‍यी़ कोरला शोक स्‍येदी छीक ङेन्‍पा ॱनाछोकक्‍या ॱनी घाङला, खेक्‍या घीन्‍गी झ्‍यीलाप क्षे।

मारकु 13:13

धेनी ङी मीङगी क्षीला खेक्‍याला, मी घीरीगी थेदा मीझ्‍यीगीलाक। हीना थागी धी़चो़ थुक्‍पे शो़पा झ्‍येरी धेगीनक्‍या क्‍योप्‍कीलाक।”

लुका 21:17

ङी मीङगी झ्‍येरी घीरीगी, खेक्‍याला दाङा झ्‍यीगीलाक।

लुका 21:19

धेनी खीकी शो़पागी झ्‍येरी खेरी मीछे क्‍योप्‍कीलाक।”

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

योहान्‍ना 17:14

ङी खेराङगी का खुङक्‍याला तेरपी हीना जीक्‍तेनगी खुङक्‍याला दाङा झ्‍येवालाक। घीझ्‍येरी ॱनाना ङा जीक्‍तेनगी मेन्‍गीन च्‍योक्‍रे, खुङक्‍या जीक्‍तेनगी मालाक।

योहान्‍ना 7:7

जीक्‍तेनगी खेक्‍याला दाङा झ्‍यी ॱमीथुक्‍कीलाक हीना ङी जीक्‍तेनगी लेगाक्‍या ङेन्‍पा हीन्‍गीनगी पाङपो झ्‍येरी, ङाला दाङा झ्‍यीदालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

२ कोरीन्‍थुपा 4:11

घीझ्‍येरी ॱनाना येशुगी छेसोक, होरी छीवाला डोये हीन्‍गीन ली़ला ॱङो़न्‍दास्‍योक ॱनेरी, होराङ सो़न्‍पो हो़गीनक्‍या च्‍योई येशुगी क्षीदु छीवे खाला छी़दालाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ योहान्‍ना 3:13

ङी पी़नक्‍याओ, जीक्‍तेनगी खेक्‍याला दाङा झ्‍यीना, खेक्‍या ॱहाङ ॱमासाङ।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:17

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला ङा बेरी श्‍याकश्‍या ॱमान्‍नागो तेरयेहीन। धेनी होदेला ङा मीङ साबा ढीक्‍टा, धो काउ च्‍यीक तेरयेहीन। होदे थोप्‍कीनगी़ च्‍यीगा होदे मीङ स्‍येगीलाक।

ॱङो़न्‍पा 2:26

धेनी ग्‍यागीन धाङ था थुक्‍पे ङी लेगा ॱरुङगीनक्‍याला, ङा मीरीक-मीरीकगी खाला आङजा तेरयेहीन।

ॱङो़न्‍पा 2:3

धेनी ङी मीङगी दो़न्‍दु खेक्‍याई शो़पा घोम्‍गीन धाङ दुक्‍पु ङ्याङगीनगो, ङाला स्‍येयेहो़क। धेनी खेक्‍या धोराङा थाङ ॱमाछेदुक।

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।