मेथा 10:19 - ॱलोवा

¹⁹ खुङक्‍याई खेक्‍याला होझ्‍येरी ची ग्‍याई घाङला, घाङ झ्‍येरी घी ॱनाये ॱनेरी, खेक्‍या सेम्‍डा माझ्‍यी घीझ्‍येरी ॱनाना खेक्‍याई घी ॱना घो़गीनगो, होदे धी़लाराङ खेक्‍याला ॱनाङगीलाक।

मेथा 10:19 ပူးပေါင်းရင်းမြစ်များ

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मेथा 6:25

“होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:31

“होझ्‍येरी ‘घी शाये?’ धाङ ‘घी थुङये?’ धाङ ‘घी घो़न्‍ये?’ ॱनेरी दुङा माझ्‍यी।

मेथा 6:34

होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 12:12

घीझ्‍येरी ॱनाना होदे धी़चो़लाराङ खेक्‍याई ॱना घो़गीनगो, धाम्‍पे थुक्‍ङीगी खेक्‍याला ॱलावा जेगीलाक।”

जेपा 6:10

हीना धाम्‍पे थुक्‍ङीगी सेतेफेनला देरे रीक्‍पा ॱनाङालाक। धेनी खो लाब ताङी घाङला, मीक्‍या खी़ खाप्‍टा ॱमाथोप्‍पालाक।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।