मेथा 10:17 - ॱलोवा

¹⁷ मीक्‍याने शाप-शाप झ्‍यी घीझ्‍येरी ॱनाना खुङक्‍याई खेक्‍याला ठीम्‍खाङला ची ग्‍याप्‍कीलाक, धेनी खुङक्‍याई छोक्‍खाङक्‍यारु खेक्‍याला ताजाक श्‍युरकीलाक।

मेथा 10:17 ပူးပေါင်းရင်းမြစ်များ

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मेथा 20:19

धेनी खोला याहुदापा मेन्‍गीन मीरीकक्‍याई लागला क्षाले ग्‍याप्‍ये धाङ ताजाक श्‍युरये धाङ ग्‍याङस्‍यीङला क्‍याङयेगी क्षीला, ची ग्‍याप्‍कीलाक। हीना ङीमा सुम्‍बागोला खो सो़न्‍पो श्‍याङगीलाक।”

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मेथा 26:59

धा क्षो़पो़न क्षेक्‍या धाङ छोक्‍दी़गी मी घीरीगी, येशुला सेदु च्‍युक्‍येला खोङबागी ग्‍याप्‍तो़ला पाङपो शोक्‍पोक्‍या चावालाक।

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मारकु 13:12

“होदे घाङला आज्‍योगी नोला सेदु च्‍युक्‍कीलाक धेनी आकीगी खोरी भीजाला सेदु चुक्‍कीलाक। धेनी टुवाक्‍या राङ फामागी डाला लाङगीलाक धेनी फामाला स्‍यीरु च्‍युक्‍कीलाक।

मारकु 13:9

“खेक्‍या चाङजे झ्‍येरी धो़क घीझ्‍येरी ॱनाना मीक्‍याई खेक्‍याला शीम्‍दी, ठीम्‍खाङक्‍याला ठीक्‍कीलाक धेनी छोक्‍खाङक्‍याला ठीक्‍ती दुङगीलाक। धेनी ङी क्षीला खुङक्‍याला पाङपो तो़न्‍येला, खेक्‍या पो़न्‍पोक्‍या धाङ ग्‍यावुक्‍या दोङदु लाङ घो़गीलाक।

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

योहान्‍ना 11:47

होझ्‍येरी क्षो़पो़न क्षेक्‍या धाङ फारुसीपाक्‍याई छोक्‍तेन भो़री ॱनेवालाक, “दी मी दे ताक माङा तो़न्‍दी। धा होराङ घी झ्‍यीये?

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।

जेपा 22:19

ङी ॱनेवी, ‘चोवो ला, छोक्‍खाङ च्‍यीकने श्‍येम्‍माला सोरी, ङी खेराङला धेपा-झ्‍यीगीनक्‍याला शीम्‍दी आटाला धाक्‍कीन धाङ श्‍युरकीन लाबक्‍या दे मीक्‍या घीरीला क्षा हो़तालाक।

जेपा 26:11

धेनी थेङमा ॱमीच्‍यीकी माङा ङी खुङक्‍याला येशुला ॱमेटा पाप्‍तु च्‍युक्‍येला, छोक्‍खाङक्‍या नाङदु छेपा कारु च्‍युक्‍पी। ङा खुङक्‍यामुला ॱमीच्‍यीकी श्‍येताङ लारी, ङी श्‍येम्‍मा ग्‍याखापक्‍याला सोरी खुङक्‍याला दुक्‍पु तावी।”

फीलीप्‍पीपा 3:2

की च्‍योक्‍रे मीक्‍या धाङ लेगा ङेन्‍पा झ्‍यीगीनक्‍या धाङ पाउ चेगीनक्‍याने जेम्‍दी धो़क।

२ तीमोथेउ 4:15

ख्‍यो़याः खोने शाप-शाप झ्‍यी घीझ्‍येरी ॱनाना खो होरी ताम्‍शाङला ॱमीच्‍यीकी ङोलोक झ्‍यीदीक।

ईब्‍रीपा 11:36

धेनी श्‍येम्‍माक्‍याला क्षाले ताङये धाङ ताच्‍याकगी दुङदाक फोक्‍पालाक धेनी रीङगाला च्‍याक्‍डोक ग्‍युवालाक धेनी रीङगाला चो़नला चुक्‍पालाक।