मेथा 10:15 - ॱलोवा

¹⁵ ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 10:15 ပူးပေါင်းရင်းမြစ်များ

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

मेथा 5:18

ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

मेथा 7:22

होदे ङीमागोला मी माङागी ङाला, ‘चोवो, चोवो, खेराङगी छेनने हीकी ॱङो़न ॱमास्‍येपे धेनी खेराङगी छेनगी थोक्‍ने धी़क ॱमातो़न्‍बे धेनी खेराङगी छेनगी थोक्‍ने हीकी ॱहाङसागीन लेगा माङा माझ्‍येबे?’ ॱनेरी ॱनागीलाक।

मारकु 6:11

धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

योहान्‍ना 12:48

ङाला ङोलोक झ्‍यीगीन धाङ ङी काक्‍या खे मेलेन्‍गीनक्‍याला ठीम्‍पो़न च्‍यीक हो़तालाक। ङी स्‍येगीन क्‍यागीराङ, थामे ङीमाला होदेगी ठीम ताङगीलाक।

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

१ थेसालोनीकेपा 5:4

हीना खे पी़नक्‍या मी़नाक्‍पाला मेधेगीन झ्‍येरी, चोवोगी ङीमा दे कुमा च्‍योक्‍रे हुङना खेक्‍या ॱहा मेलेगीलाक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

२ पेटो 2:6

धेनी खोङबागी सादोम धाङ गोमोरा ग्‍याजाक्‍याला मेगी ॱराक्‍ती, चामेदु ताङा जेपालाक। देरे जेदी खोङबागी क्षो़ला ॱमीचीगीन मीक्‍याला घी झ्‍युङये हीन्‍गीनगी, पे च्‍यीक ॱनाङा जेपालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

युदा 1:7

देरे झ्‍येरीराङ सादोम धाङ गोमोरा धाङ थाकोरगी ढोङखेरगी मीक्‍या, लोक्‍येम धाङ ली़गी दो़छाकला छी़पालाक। धेनी खुङक्‍याला थामेगीन मेगी छेपा फोक्‍ती, पे च्‍यीक झ्‍यु हो़तालाक।