लुका 8:28 - ॱलोवा

²⁸ होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

लुका 8:28 ပူးပေါင်းရင်းမြစ်များ

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

लुका 8:27

धेनी छोगी थामारु येशु डुने थो़न जेदी, ग्‍याजागी डे जुजुवा मी च्‍यीक थुक्‍पालाक। होदे घोलाक माघो़न्‍पा नाङदु माधेपा, धुरखाङदु धेदी युन रीङा झ्‍युवालाक।

लुका 8:29

घीझ्‍येरी ॱनाना खोङबागी डे गोला, होदे मीने थो़न्‍दी डोयेला का ॱनाङा जेपालाक। खोला थेङमा ॱमीच्‍यीकी माङा डे देगी शीम हो़तालाक। खोला च्‍याक्‍थाक धाङ च्‍याक्‍डोकगी दाम्‍दी, ॱरुरी श्‍याक हो़तालाक हीना खी़ होदेक्‍या च्‍याक्‍ती धेनी डेगी़, खोला रीतोङ स्‍योकला ठीक्‍ती डोवालाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।