लुका 8:15 - ॱलोवा

¹⁵ धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

लुका 8:15 ပူးပေါင်းရင်းမြစ်များ

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

लुका 6:45

मी शाङपोगी खोरी सेमगी झ्‍यी़ शाङाने राङ, फीला शाङा तो़न्‍दालाक। धेनी मी ङेन्‍पागी खोरी सेमगी झ्‍यी़ ङेन्‍पाने राङ, फीला ङेन्‍पा तो़न्‍दालाक। घीझ्‍येरी ॱनाना सेमगी नाङला हो़गीनगो राङ खाने थो़न्‍दालाक।”

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

लुका 8:16

“सी़या क्‍युङ पारती, ॱनो़गी ॱमेकावालाक याङना ङ्याठी होकला मेश्‍यालाक हीना नाङदु हुङगीनक्‍याला, क्‍याथाई हुङवास्‍योक ॱनेरी सा थोवाला श्‍यालाक।

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

रोमापा 7:18

धेनी ङी धीक्‍पे राङश्‍यीला शाङा घीयाः ॱमेनेलालाक ॱनेरी, ङाला स्‍येयेहो़क। घीझ्‍येरी ॱनाना शाङा घी हीन्‍गीनगो झ्‍यीयेला, ङी दो़पा हो़क हीना होदे ङी झ्‍यी ॱमीथुक्‍वालाक।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

रोमापा 8:25

हीना ॱमीकगी ॱमेथोङगीनला होरी रेवा झ्‍यीना, होदेला होराङ शो़पा झ्‍येरी घुक्‍वालाक।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

याकोब 1:4

खेक्‍याला ॱमेछाङगीन घीया माझ्‍युवा, याङदाक्‍पा धाङ छाङगो झ्‍युङयेगी क्षीदु शो़पाला होदेगी ज्‍यावा डुप्‍तु च्‍युक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।