लुका 6:49 - ॱलोवा

⁴⁹ हीना ङी काला ङेन्‍दी होदे च्‍योक्‍रे मीझ्‍यीगीनगो डाम ॱमातीवा, सा खाला खाङबा शोगीन मी च्‍योक्‍रे च्‍यीक लाक। धेनी होदे खाङबाला क्षु फोई घाङला, खाङबागो लाम्‍साङ धीप्‍ती मेताला सोवालाक।”

लुका 6:49 ပူးပေါင်းရင်းမြစ်များ

मेथा 23:3

होझ्‍येरी खुङक्‍याई ॱलाप्‍ला घीरी झ्‍यी धेनी ॱरुङ, हीना खुङक्‍याई झ्‍यीगीन च्‍योक्‍रे माझ्‍यी घीझ्‍येरी ॱनाना खुङक्‍याई ॱलाप्‍कीनगो च्‍योक्‍रे, खुङक्‍या मीझ्‍यीदालाक।

मेथा 24:10

“धेनी माङक्षे धेपाने लोक्‍कीलाक धेनी च्‍यीकगी च्‍यीकला गो कोरकीलाक धेनी च्‍यीकगी च्‍यीकला दाङा झ्‍यीगीलाक।

मारकु 4:17

हीना चावा मेगीन झ्‍येरी, तीते माना धे थुक्‍कीमालाक। धेनी कागी झ्‍येरी काङे धाङ दुक्‍पु झ्‍युङी घाङला, खुङक्‍या उक्‍कुरा धेपाने ग्‍याप ॱलोक्‍कीलाक।

लुका 12:47

“खोरी दाक्‍पोगी थेगीनगो ॱहाघोतीयाः डाढीक माझ्‍येवा, दाक्‍पोगी थेगीन च्‍योक्‍रे मीझ्‍यीगीन ॱयोक्‍पोला दुङदाक छाप्‍क्षे फोक्‍कीलाक।

लुका 19:14

“हीना खी़ युगी मीक्‍या खोला थेदा मीझ्‍यीदालाक होझ्‍येरी होदेक्‍याई खी़ स्‍याबाला देरे ॱनेरी भाङछेनक्‍या झावालाक, ‘हेक्‍याला मी दे ग्‍यावु मेघो।’

लुका 19:27

हीना ङा ग्‍यावु झ्‍युङगीनगो ॱमेथेगीन ङी डाक्‍याला दुरु ठीक्‍ती स्‍योक धेनी खुङक्‍याला ङी दोङदुराङ सो़क।’”

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

लुका 6:48

खो सा तीङ रीङबो ढी़री फोङगीङ खाला, खाङबागी डाम तीरी खाङबा शोगीन मी च्‍योक्‍रे लाक। धेनी क्षुलोक होरी खाङबागो तेन्‍पो शो़सा झ्‍येरी, क्षुगी श्‍युरतीया यो़ ॱमाथुक्‍पालाक।

लुका 7:1

येशुगी का घीरी मीक्‍याला सुङसारती, खोङबा काफारनाहुमदु फेप्‍पालाक।

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

जेपा 20:29

ङा सोसारती ॱमीच्‍यीकी जीक्‍टाक्षे च्‍याङगु च्‍योक्‍रे, मी श्‍येम्‍माक्‍या खेरी घुङदु झुगीलाक धेनी दे लुकक्‍याला दुक्‍पु तेरकीलाक ॱनेरी ङाला क्षाहो़क।

जेपा 26:11

धेनी थेङमा ॱमीच्‍यीकी माङा ङी खुङक्‍याला येशुला ॱमेटा पाप्‍तु च्‍युक्‍येला, छोक्‍खाङक्‍या नाङदु छेपा कारु च्‍युक्‍पी। ङा खुङक्‍यामुला ॱमीच्‍यीकी श्‍येताङ लारी, ङी श्‍येम्‍मा ग्‍याखापक्‍याला सोरी खुङक्‍याला दुक्‍पु तावी।”

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।