48 दे लाबक्याई पाङपो खेक्या लाक।
धेनी खेक्या गोमाने ङीमुला हो़गीन झ्येरी, खेक्यागीया ङी पाङपो झ्यीघो़।”
हीना धाम्पे थुक्ङी खेराङक्याई खाला फेप्ती, खेक्याला स्युक जोरकीलाक। होदे स्याम्ने, खेक्या येरुसालेम धाङ युदेया धाङ सामारीयागी साजा घीरीला धेनी जाम्बुलीङगी था थुक्पे, ङी पाङपो झ्युङगीलाक।”
याहुदा धाङ येरुसालेमगी साजा घीरीदु, खोङबागी जेजा क्षाक्ले घीरीगी पाङपोगो, हे कुछापक्या हीन। खुङक्याई खोङबाला ग्याङस्यीङदु क्याङदी सेजुङ।
मी घीरीगी खोङबाला ॱमाथोवालाक हीना खोङगी पाङपो झ्युङयेला, को़न्क्षोकगी एम्माने दाम्दा हेक्याई थोवालाक। खोङबा श्याङा जेदी खोङमुला शागीन धाङ थुङगीनगो हेक्या हीन।
गालील ग्यारापने खोङबामुला येरुसालेमदु होवाक्याई श्याक्मो ॱमीच्यीकी माङा थुक्पे, खोङबाला ज्याये राक्पालाक धेनी खुङक्यागो धान्दा ईस्राएलगी मीक्याई छीला खोङबाला ज्याजा पाङपोक्या लाक।
“धा खोङराङ येशुला को़न्क्षोकगी छीवाने सो़न्दु च्युक्पालाक। धेनी दे लाबगी पाङपोगो होराङ घीरी हो़क।
घीझ्येरी ॱनाना खोङबागी छीला खेराङगी थोङगीन धाङ ङेन्गीनगी पाङपो झ्युरी, मी घीरीला स्येगीन ख्यो़ झ्युङगीलाक।
छेसोक ॱनाङगीनगोला खेराङक्याई सेजुङ। हीना को़न्क्षोकगी खोङबाला छीवाने सो़न्पो श्याङ जेजुङ। दे लाबगी पाङपो हेक्या हीन।
कुछापक्याई चोवो येशु छीवाने सो़न्पो श्याङगीनगी कोरला, वाङक्षेगी थोक्ने मीक्याला पाङपो झ्येवालाक। धेनी को़न्क्षोकगी थुक्जे क्षेन्बो, खुङक्या खाला मेछो़ली झ्युवालाक।
हेक्या दे लाबक्याई पाङपो हीन धेनी को़न्क्षोकगी राङगी काला ङेन्गीनक्याला ॱनाङना, धाम्पे थुक्ङीगीयाः दे लाबक्याई पाङपो तो़न्दा जेदुक।”
ङाराङ क्षो़छोकगी गोठी च्यीक हीन्गीन झ्येरी, धेनी मास्यीकागी दुक्पु ङ्याङगीनगी पाङपो धाङ स्याम्ला ॱङो़न्ये हीन्गीन शीजेला मुला थेये हीन्गीन च्यीक झ्येरी, ङा खेक्या नाङने गोठीक्याला श्योवा पुलाहीन,
