लुका 21:36 - ॱलोवा

³⁶ हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

लुका 21:36 ပူးပေါင်းရင်းမြစ်များ

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 24:43

खीम च्‍यीकगी दाक्‍पोला कुमा हुङगीन छेनगी धी़चो़गो स्‍येये हो़ना, खो चाङजे झ्‍येरी धेती हो़टु धेनी खोरी नाङदु कुमा जुरु ॱमीच्‍युक हो़टु।

मेथा 24:44

होझ्‍येरी मी-भु खेक्‍याई ॱमेसाम्‍गीन धी़चो़ला फेप्‍ये झ्‍येरी, खेक्‍याः डाढीक झ्‍येरी धो़क।

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 26:41

खेक्‍या छो़ताला ॱमाली़वास्‍योक ॱनेरी, ॱङी मालोक्‍वा सोवा ग्‍योप। सेमगो नी डाढीक दुक हीना ली़गो क्‍योवा दुक।”

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 13:33

होदे धी़चो़ नाम हुङगुलाक ॱनेरी, खेक्‍याला क्षा मेगीन झ्‍येरी, चाङजे झ्‍येरी ॱङी मालोक्‍वा धो़क।

मारकु 13:37

खेक्‍याला ॱनागीन च्‍योक्‍रे ङा मी घीरीला ॱनाहीन, ॱङी मालोक्‍वा धो़क।”

लुका 1:19

नाम्‍खे भाङछेनगी खोला सुवालाक, “ङा को़न्‍क्षोकगी डुङदु लाङदी धेगीन गाबरीएल हीन। ख्‍यो़ला लाब ताङये धाङ दे ताम्‍शाङ दे स्‍येयेला ङाला झावालाक।

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 20:35

हीना माउपारगी धी़ला डोये धाङ छीवाने सो़न्‍ये हीन्‍गीन चीचा मीक्‍या, ॱनामा लेन्‍ये धाङ ॱनामाला ताङ मीझ्‍यीदालाक।

लुका 21:35

घीझ्‍येरी ॱनाना होदे ङीमा दे जाम्‍बुलीङ खाला ॱनेगीन घीरीला भाप्‍कीलाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

१ कोरीन्‍थुपा 16:13

च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 5:17

ॱमो़लाम ॱमेक्षेता ग्‍योप,

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,

ॱङो़न्‍पा 11:4

खुङक्‍या नी, साश्‍यीगी चोवोगी दोङदु लाङदी धेगीन, क्‍युरुस्‍यीङगी दोङबो ॱङी धाङ क्‍युङ ॱङीउ लाक।

ॱङो़न्‍पा 6:17

घीझ्‍येरी ॱनाना खोङबाक्‍याई थुक्‍ठो़गी ङीमा क्षेगो ॱलेप्‍दुक धेनी होदे ङीमाला सु लाङ थुक्‍कीलाक से?”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।

ॱङो़न्‍पा 8:2

धेनी को़न्‍क्षोकगी डुङदु श्‍युक्‍कीन नाम्‍खे भाङछेन धी़नगो, ङी थोजुङ। धेनी खुङक्‍याला दुङक्षेन धी़न ॱनाङजुङ।