17 ङी मीङगी झ्येरी घीरीगी, खेक्याला दाङा झ्यीगीलाक।
धेनी ङी मीङगी छीला, घीरीगी खेक्याला दाङा झ्यीगीलाक। हीना थामा थुक्पे शो़पा घोम्गीनगोला थारपा थोप्कीलाक।
“धेनी मीमाङक्याई खेक्याला दुक्पु ताङयेला ची ग्याप्कीलाक धेनी सेदु च्युक्कीलाक धेनी ङी मीङगी क्षीला मीरीक घीरीगी खेक्याला दाङा झ्यीगीलाक।
“ङी दो़न्दु खेक्याला मीक्याई ॱमेबेप ताङये धाङ दुक्पु ताङये धाङ ख्यी़ कोरला शोक स्येदी छीक ङेन्पा ॱनाछोकक्या ॱनी घाङला, खेक्या घीन्गी झ्यीलाप क्षे।
धेनी ङी मीङगी क्षीला खेक्याला, मी घीरीगी थेदा मीझ्यीगीलाक। हीना थागी धी़चो़ थुक्पे शो़पा झ्येरी धेगीनक्या क्योप्कीलाक।”
खीकी फामा धाङ आज्यो-नो धाङ पी़नक्या धाङ रोवाक्यागीयाः, खेक्याला डागी लाक्पाला ची ग्याप्कीलाक धेनी खे रीङगाला खुङक्याई सेदु च्युक्कीलाक।
हीना खीकी गोगी ॱरा काङ च्यीयाः मेताला डोगीमालाक।
मी-भुगी दो़न्दु, खेला मीक्याई दाङा झ्यीना, पेरी श्याक्ना धेनी ॱमेबेप ताङना, धेनी खीकी मीङला ङेन्पा चीना, खेक्या झ्यीलाप क्षे लाक।
खेक्या जीक्तेनगी हीन्गीनगो हीन्ना, जीक्तेनगी राङगी हीन्गीनगोला झाम्पा झ्यीयेहो़क हीना खेक्या जीक्तेनगी मालाक। ङी जीक्तेनने खेक्याला दाम्दा झ्येरी जीक्तेनगी खेक्याला दाङा झ्यीदालाक।
हीना ङी मीङगी केनगी, खुङक्याई दे घीरी खेक्याला झ्यीगीलाक घीझ्येरी ॱनाना ङाला ॱङाक्कीनगोला खुङक्याई ङो ॱमेस्येलालाक।
ङी खेराङगी का खुङक्याला तेरपी हीना जीक्तेनगी खुङक्याला दाङा झ्येवालाक। घीझ्येरी ॱनाना ङा जीक्तेनगी मेन्गीन च्योक्रे, खुङक्या जीक्तेनगी मालाक।
जीक्तेनगी खेक्याला दाङा झ्यी ॱमीथुक्कीलाक हीना ङी जीक्तेनगी लेगाक्या ङेन्पा हीन्गीनगी पाङपो झ्येरी, ङाला दाङा झ्यीदालाक।
धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्येहीन।”
होझ्येरी मास्यीकागी क्षीदु ङा, थापक्योवाक्या धाङ ॱमेबेपक्या धाङ काङेक्या धाङ दुक्जोङक्या धाङ घाक्वाक्या घाङला दो़पा खारी धेतीहो़क। घीझ्येरी ॱनाना ङा क्योवा हो़ताराङ, ङा स्युक्क्षे हो़क।
घीझ्येरी ॱनाना येशुगी छेसोक, होरी छीवाला डोये हीन्गीन ली़ला ॱङो़न्दास्योक ॱनेरी, होराङ सो़न्पो हो़गीनक्या च्योई येशुगी क्षीदु छीवे खाला छी़दालाक।
घीझ्येरी ॱनाना हेक्या राङगी कोरला मेन्दा, हीना हेक्या येशुगी क्षीदु खेक्याई श्याप्चीपा झ्युरी, येशु मास्यीकाराङ चोवो हीन ॱनेरी सेटाक झ्यीदाहीन।
घीझ्येरी ॱनाना खेक्याला मास्यीकाला धेपा झ्यीये च्यीगा मेन्दा, खोङगी दो़नला दुक्पु ङ्याङयेगी थोप्ताङगोवाः ॱनाङ हो़तालाक।
धेनी मास्यीकागी छेनगी झ्येरी खेक्याला ॱमेटा फोक्ना, खेक्या झ्यीलाप क्षे लाक घीझ्येरी ॱनाना शीजे धाङ को़न्क्षोकगी थुक्ङी खेक्या नाङ ॱने हो़तालाक।
धेनी ङी मीङगी दो़न्दु खेक्याई शो़पा घोम्गीन धाङ दुक्पु ङ्याङगीनगो, ङाला स्येयेहो़क। धेनी खेक्या धोराङा थाङ ॱमाछेदुक।
