लुका 20:47 - ॱलोवा

⁴⁷ धेनी खुङक्‍या युक्‍जामाक्‍याई खाङबा ठोक्‍वालाक धेनी मीला तो़न्‍येला सोवा रीङा ग्‍यालाक। खुङक्‍याला क्षेपा छाप्‍क्षे फोक्‍कीलाक।”

लुका 20:47 ပူးပေါင်းရင်းမြစ်များ

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 23:14

“[खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या युक्‍जामाक्‍याई नाङ ॱहाम्‍बा झ्‍येरी ठोक्‍वालाक धेनी ॱमो़लाम रीङा-रीङा ग्‍याप्‍ती, मी ढाङपो हीन दोक-दोक झ्‍यीदालाक। होझ्‍येरी श्‍येम्‍माने खेक्‍याला माङा छेपा फोक्‍कीलाक।]

मारकु 12:40

खुङक्‍या युक्‍जामाक्‍याई खाङबा तोङबा तो़न्‍दी, मीला तो़न्‍येगी क्षीला ॱमीच्‍यीकी ॱमो़लाम रीङा ग्‍यावालाक। देरेक्‍याला ॱयोल्‍ले क्षे क्षेपा फोक्‍कीलाक।”

लुका 12:1

होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 20:46

“क्षो़ठीमगी ॱलोपो़नक्‍याने शाप-शाप झ्‍यी, खुङक्‍या घो़ रीङबो घो़न्‍दी, कोरा ग्‍याप्‍ये धाङ ठोमक्‍याला मीक्‍याने घुस्‍याप थोप्‍येला थेदालाक धेनी छोक्‍खाङक्‍याला श्‍युक्‍ठी घायोक धाङ डो़नक्‍याला धेजा थोवाक्‍या थेदालाक।

लुका 21:1

धेनी येशुगी या शीई घाङला मी क्षुक्‍पुक्‍याई ॱङुगामदु, खोरी ॱङु पुगीनगो खोङबागी शीक्‍पालाक।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

याकोब 3:1

पी़नक्‍याओ, खेक्‍याने माङक्षे ॱलोप्‍खेन माझ्‍युङ घीझ्‍येरी ॱनाना हे ॱलाप्‍कीनक्‍याला, ॱयो़ल्‍ले ल्‍हाक ठीम दाम्‍बो चेगीलाक ॱनेरी, खेक्‍या स्‍येलालाक।