लुका 18:39 - ॱलोवा

³⁹ दोङला हो़गीनक्‍याई खोला खाबा धो़क ॱनेरी आङजी तावालाक। हीना खी़ ॱयोल्‍ले केक क्षे तो़न्‍दी फेरा ग्‍याप्‍पालाक, “दावीदगी से, ङाला ॱङीङजे जेरोनाङ।”

लुका 18:39 ပူးပေါင်းရင်းမြစ်များ

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

मेथा 8:26

धेनी खोङबागी खुङक्‍याला सुवालाक, “खे धेपा च्‍युङाक्‍या घीझ्‍येरी जीयाले?” धेनी खोङबा श्‍येङदी, ॱलुङछुप धाङ भालापला काको़न जेपालाक धेनी होदुरु तीङल्‍हेवी झ्‍युवालाक।

मेथा 9:27

धा येशु होदेने फेई घाङला, मी श्‍यारा ॱङी खोङबागी स्‍याबाला डारी, केक ग्‍याप्‍ती श्‍यी़वालाक, “दावीदगी से, हेक्‍याला ॱङीङजे शीक्‍रोनाङ।”

लुका 11:52

“ख्‍ये क्षो़ठीमगी ॱलोपो़नक्‍या ॱङ्याली! घीझ्‍येरी ॱनाना खेक्‍याई स्‍येरापगी धीमीकगो ठोक्‍पालाक। धेनी खेराङक्‍याः माजुवालाक धेनी जुगीनक्‍यालाः काक्‍पालाक।”

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 18:15

मीक्‍याई राङगी टुवाक्‍याला येशुगी क्षाक्‍वाङ ॱनाङास्‍योक ॱनेरी, खोङबागी डुङदु खेरती हुङी हो़तालाक। धेनी दे थोरी ङेनेक्‍याई खुङक्‍याला आङजी तावालाक।

लुका 18:38

धेनी खी़ देरे ॱनेरी फेरा ग्‍याप्‍पालाक, “दावीदगी से येशु, ङाला ॱङीङजे जेरोनाङ।”

लुका 18:40

धेनी येशुगी छाम श्‍या जेदी, खोला ठीक्‍ती हुङयेला का ॱनावालाक। धेनी खो भोलोक्‍तु ॱलेप्‍ती, खोङबागी खोला ढीवा जेपालाक,

लुका 19:39

धेनी मीमाङक्‍याने फारुसीपा रीङगाक्‍याई ॱनेवालाक, “ॱलोपो़न ला, खेराङगी ङेनेक्‍याला काको़न ॱनाङाजे।”

लुका 8:49

खोङबा कामो़न सुङी घाङला छोक्‍खाङगी पो़न्‍पोगी़ नाङने मी च्‍यीक होरी ॱनेवालाक, “खेराङगी भोमो ढोजुङ। धा ॱलोपो़नला काल्‍ले ताङा माजे।”

२ कोरीन्‍थुपा 12:8

दे ङाने डालास्‍योक ॱनेरी, ङी थेङमा सुम थुक्‍पे चोवोला श्‍योवा पुवी।