लुका 16:22 - ॱलोवा

²² “धेनी उटे मीगो स्‍यीवालाक धेनी नाम्‍खे भाङछेनक्‍याई, खोला खेरती आब्‍राहामगी भोलोक्‍तु श्‍याक्‍पालाक। धेनी होदे क्षुक्‍पु मीगोवा स्‍यीरी रोगो सा होकला बेवालाक।

लुका 16:22 ပူးပေါင်းရင်းမြစ်များ

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

मारकु 8:36

मी च्‍यीकला जीक्‍तेन घीरी थोप्‍नाः, राङगी ॱरोकगो स्‍योरना घी फेन थोक्‍ये?

लुका 12:20

“हीना को़न्‍क्षोकगी होदेला सुवालाक, ‘ॱलेन्‍पो ख्‍यो़! धीरीङ छेमुराङ ख्‍यी़ छेसोक ख्‍यो़ने लेन्‍गीलाक धेनी ख्‍यी़ स्‍याम्‍दी श्‍याकश्‍या ग्‍युक्‍याई दाक्‍पो सु झ्‍युङगीले?’”

लुका 16:21

होदे क्षुक्‍पु मीगी सोच्‍योकने, ल्‍हीम्‍ला शामाक्‍या शायेला खो रेवा झ्‍यीदालाक। धेनी कीक्‍या होरी खी़ ॱमाक्‍या दालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 13:23

येशुगी झाम्‍पा झ्‍यीगीन ङेनेगो, खोङबागी कुडामदु ॱङेरी धे हो़तालाक।

योहान्‍ना 21:20

पेटोगी खा ॱलोक्‍ती येशुगी झाम्‍पा जेगीन ङेनेगो, खुङक्‍याई स्‍याबाला हुङगीनगो थोवालाक। थामे श्‍येलाकला येशुगी डामला ॱङेरी धेती खोङबाला, “चोवो, खेराङला डागी लाक्‍पाला ची ग्‍याप्‍ये झ्‍यीगीनगो सुले?” ॱनेरी ढीगीन ङेनेगो खो राङ लाक।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

याकोब 1:11

घीझ्‍येरी ॱनाना ङीमा छा स्‍यारती चाक्‍या कामालाक धेनी मेन्‍तोक साला भाप्‍ती, होदेगी जेवा घीरी येलालाक। होझ्‍येरीराङ क्षुक्‍पुक्‍या राङगी लेगी दो़न्‍दाकगी खोकला, मेताला डुगीलाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”