लुका 12:48 - ॱलोवा

⁴⁸ हीना दाक्‍पोगी थेगीनगो ॱमेस्‍येगीन ॱयोक्‍पोगी़, दुङ घो़गीन लेगा झ्‍यीना खोला दुङदाक ङ्युङा फोक्‍कीलाक। माङा थोप्‍थाक्‍याने माङा लेन्‍गीलाक धेनी माङा ची ग्‍यापक्‍याने माङा ॱलाङगीलाक।”

लुका 12:48 ပူးပေါင်းရင်းမြစ်များ

मेथा 13:12

घीझ्‍येरी ॱनाना हो़गीनला धोराङा ॱनाङगीलाक धेनी मेछो़ली झ्‍युङगीलाक। हीना मेगीनगोला, खोला हो़गीनगोवा खोने ठोक्‍कीलाक।

मेथा 23:14

“[खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या युक्‍जामाक्‍याई नाङ ॱहाम्‍बा झ्‍येरी ठोक्‍वालाक धेनी ॱमो़लाम रीङा-रीङा ग्‍याप्‍ती, मी ढाङपो हीन दोक-दोक झ्‍यीदालाक। होझ्‍येरी श्‍येम्‍माने खेक्‍याला माङा छेपा फोक्‍कीलाक।]

लुका 12:41

धेनी पेटोगी ढीवालाक, “चोवो, पे दे हेक्‍याला च्‍यीगा सुङाले याङना घीरीगी क्षीला सुङाले?”

लुका 12:49

येशुगी सुवालाक, “ङा जीक्‍तेनदु ठीम्‍चो़गी मे पारतु होवाहीन। होदे मे एन्‍दुरु बारसा हो़ना ढीक्‍येहो़क।

लुका 16:2

धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ तीमोथेउ 6:20

तीमोथेउ ओ, ख्‍यो़ला च्‍योगीनगो ॱरुङ च्‍यीक। धेनी मीक्‍याई शोक्‍पो ॱनेरी “स्‍येराप” साम्‍गीन क्षो़ला ॱमीथी़न्‍गीन, लाब धाङ क्षोमेगीन चो़पाक्‍याने जेम।

तीतोस 1:3

धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

याकोब 3:1

पी़नक्‍याओ, खेक्‍याने माङक्षे ॱलोप्‍खेन माझ्‍युङ घीझ्‍येरी ॱनाना हे ॱलाप्‍कीनक्‍याला, ॱयो़ल्‍ले ल्‍हाक ठीम दाम्‍बो चेगीलाक ॱनेरी, खेक्‍या स्‍येलालाक।