युदा 1:6 - ॱलोवा

⁶ धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

युदा 1:6 ပူးပေါင်းရင်းမြစ်များ

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

ईब्‍रीपा 10:27

हीना को़न्‍क्षोकगी ठीम्‍चो़ फोक्‍येला घुक्‍ती धेयेगी जीक्‍टा धाङ खोङगी डाक्‍याला मेताला जेये हीन्‍गीन, थुक्‍ठो़गी मेगी ङेन्‍का च्‍यीका हो़तालाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।

युदा 1:13

धेनी देक्‍या राङगी ङोछागी बोवा तो़न्‍गीन, ग्‍याछोगी भालाप ॱङ्यो़न्‍बाक्‍या च्‍योक्‍रे लाक। धेनी देक्‍या धी़ ताक्‍दु जीक्‍टाक्षे मी़नाकगी क्षीला डाढीक झ्‍येजा, कारमा ख्‍याम्‍बोक्‍या च्‍योक्‍रे लाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।