युदा 1:4 - ॱलोवा

⁴ घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

युदा 1:4 ပူးပေါင်းရင်းမြစ်များ

मेथा 13:25

हीना मीक्‍या ङ्यारी धेती घाङला, खी़ डा होरी ढोगी साङक्‍याला युक्‍पु ताप्‍ती सोवालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

१ तीमोथेउ 5:8

हीना राङगी पी़न्‍दाक्‍या धाङ ॱमीक्‍से राङगी नाङमीला ॱमेतागीनक्‍याई, राङगी धेपा पाङालाक धेनी खुङक्‍या धेपा मीझ्‍यीगीनक्‍याने दुक्‍वालाक।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

२ तीमोथेउ 3:6

खुङक्‍याने रीङगा गोकोर तारी मीगी नाङक्‍याला जुरी, धीक्‍पा धाङ दो़पा ॱनाछोकगी ॱनेम्‍दी धेता केमी क्‍योवाक्‍याला, राङगी वाङदु धी़लालाक।

१ पेटो 2:16

खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

१ पेटो 2:8

धेनी, “थोक्‍ती गेगीन धोरुक धाङ घेरु च्‍युक्‍कीन फोङगीङला ग्‍युर।” खुङक्‍या गेलालाक घीझ्‍येरी ॱनाना खुङक्‍या काला मेङेन्‍दालाक। धेनी खुङक्‍याई क्षीला देरेराङ झ्‍युङयेला, एम्‍मानेराङ थाक्‍चो़ जे हो़तालाक।

१ पेटो 4:18

धेनी सुङरापला देरे सुङ हो़तालाक, “ढाङतेनक्‍याई थारपाला घाक्‍वा हो़ना, मेढाङा धाङ धीक्‍चेनक्‍याला घी झ्‍युङी हो़टी़?”

२ पेटो 2:10

धेनी ॱमीक्‍सेदु मीला नोगीन दो़क्षाकला क्षाक्‍कीन धाङ आङजाला थोङछुङ झ्‍यीगीनक्‍याला, चोवोगी ठीम्‍चो़गी ङीमा थुक्‍पे छेपा होकदु श्‍या जेगीलाक। देक्‍या नी, पोबा क्षे धाङ ग्‍योङा झ्‍येरी शीजेचेनक्‍याला ॱमेटा ताङयेला, खुङक्‍या जीक्‍टा मीझ्‍यीदालाक।

२ पेटो 2:7

हीना को़न्‍क्षोकगी लोतला क्‍योप जेपालाक। खो नी, ठीम मेगीन मीक्‍याई दो़क्षाकगी चो़लामला सेम फाम्‍गीन, मी ढाङपो च्‍यीक लाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

१ योहान्‍ना 2:22

धा शोक्‍पोगो सुले? शोक्‍पो नी, येशुराङ मास्‍यीका लाक ॱनेरी, खेमेलेन्‍गीनक्‍या लाक। देरे मी नी याप धाङ सेला खेमेलेन्‍गीन, मास्‍यीकागी डागो लाक।

युदा 1:15

धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”