युदा 1:23 - ॱलोवा

²³ धेनी श्‍येम्‍माक्‍याला मेगी खोक्‍ने तो़न्‍दी क्‍योप धेनी को़न्‍क्षोकगी जीक्‍नाङ मुला श्‍येम्‍माक्‍याला ॱङीङजे तो़न हीना खुङक्‍याई धीक्‍पे दो़छाकगी चोक्‍पा शो़गीन, घो़ला दाङा झ्‍यी।

युदा 1:23 ပူးပေါင်းရင်းမြစ်များ

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

१ कोरीन्‍थुपा 15:33

राङला गोकोर ताङदु ॱमाच्‍युक। “रोवा ङेन्‍पामुला धेप्‍ना, चो़पा शाङागो मेताला डोवालाक।”

१ कोरीन्‍थुपा 3:15

धेनी होदेगो छीक्‍ती डोना, चीक्‍गीनगोला ग्‍योङ फोक्‍कीलाक हीना याङ खो खोराङगो मेने थारकीन च्‍योक्‍रे क्‍योप्‍कीलाक।

२ कोरीन्‍थुपा 5:11

चोवोला कुरती झ्‍यीयेगो हेक्‍याई स्‍येगीन झ्‍येरी, हेक्‍या मी श्‍येम्‍माक्‍याला च्‍याक ग्‍यावीहो़क। हेक्‍या घारे हो़गीनगो को़न्‍क्षोकगी खेन्‍दा जेदालाक धेनी खेक्‍याई सेम्‍बा नाङदुवाः, हेक्‍याला ङोस्‍येगीनगो हेक्‍या दो़दीहो़क।

२ थेसालोनीकेपा 3:14

सी़ च्‍यीकगी हीकी यीक देगी ॱलापच्‍याला दो़नाङ ॱमेतेरना, होदे मीला ङो स्‍येलाझ्‍यी धेनी खोला ङोछारु च्‍युक्‍येला खी़मुला ढेवा घीन्‍दा माझ्‍यी।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

२ योहान्‍ना 1:11

घीझ्‍येरी ॱनाना देरेक्‍याला छाम्‍डी श्‍यी़गीनगो, खुङक्‍याई लेङेनला डेलालाक।

युदा 1:22

धेनी दोक्‍पा साक्‍कीनक्‍याला ॱङीङजे तो़न,

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।

ॱङो़न्‍पा 3:4

“हीना सारतीरु राङगी घोलाक ॱमेचाङा माशो़सा, मी तीते रे दुक। खुङक्‍या ङीमुला घो़ काउ घो़न्‍दी ग्‍युक्‍कीलाक घीझ्‍येरी ॱनाना खुङक्‍याला देरे झ्‍यीये खाये दुक।