युदा 1:20 - ॱलोवा

²⁰ हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।

युदा 1:20 ပူးပေါင်းရင်းမြစ်များ

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

१ कोरीन्‍थुपा 10:23

खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक हीना घीरी फेन ॱमेथोक्‍वालाक। खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक, हीना घीरीगी यारके ॱमेताङालाक।

१ कोरीन्‍थुपा 14:15

धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

१ थेसालोनीकेपा 5:11

होझ्‍येरी खेक्‍याई धान्‍दा थुक्‍पे झ्‍यीगीन च्‍योक्‍रे, पी़न च्‍यीकगी च्‍यीकला सेम्‍सो पोर धेनी धेपाला स्‍युक क्षेरु डोयेला रोवा झ्‍यी।

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

याकोब 2:22

खी़ धेपागो खी़ लेगामुला थी़न्‍दी डुगीन धाङ लेगागी थोक्‍ने, धेपागो छाङबो झ्‍युङगीनगो खेक्‍या थोङालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

ॱङो़न्‍पा 13:10

“चो़नदु डो घोगीनक्‍या चो़नदुराङ डुगीलाक, धेनी राल्‍डीगी सेये हीन्‍गीनक्‍या राल्‍डीने राङ सेगीलाक।” दे नी को़न्‍क्षोकगी मीक्‍याई क्षीदु, शो़पा धाङ धेपागी भो़टाक च्‍यीक लाक।