युदा 1:15 - ॱलोवा

¹⁵ धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”

युदा 1:15 ပူးပေါင်းရင်းမြစ်များ

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

रोमापा 14:10

धा ॱहाना ख्‍यो़ ख्‍यो़री पी़नला क्‍यो़न घीझ्‍येरी चुक्‍वाले? याङना ख्‍यो़ राङगी पी़नला थोङछुङ चीलाले? घीझ्‍येरी ॱनाना होराङ घीरी को़न्‍क्षोकगी ठीम्‍चो़गी श्‍युक्‍ठीगी दोङदु लाङगीलाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

१ कोरीन्‍थुपा 5:13

फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

१ तीमोथेउ 1:9

दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

ॱङो़न्‍पा 13:11

धेनी साश्‍यी नाङने सेम्‍चेन श्‍येम्‍मा च्‍यीक थो़न्‍दी, हुङगीनगो ङी थोजुङ। होदेला लुक्‍टुगी च्‍योक्‍रे राक्‍योक ॱङी दुक हीना डुक च्‍योक्‍रे लाब ताङी।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।