युदा 1:1 - ॱलोवा

¹ येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

युदा 1:1 ပူးပေါင်းရင်းမြစ်များ

मेथा 10:3

फीलीप धाङ बारथोलोमा, थोमा, ठा धुगीन मेथा, आल्‍फायुगी भीजा याकोब, थाएदेआ,

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मारकु 3:18

धेनी आन्‍डीरीया धाङ फीलीप धाङ बारथोलोमा धाङ मेथा धाङ थोमा धाङ आल्‍फायुगी भीजा याकोब धाङ थाएदेआ धाङ ग्‍याल्‍चेपा ॱनागीन सीमोन

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

लुका 6:16

याकोबगी भीजा युदा धेनी ङोलोक झ्‍यीगीन युदा ईस्‍कारीयोत लाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 14:22

युदागी (युदा ईस्‍कारीयोतगो मालाक) श्‍यी़वालाक, “चोवो, खेराङ जीक्‍तेनगी मीक्‍याला मेन्‍दा, हेक्‍याला ॱङो़न्‍दा जेये? दे घाङगी झ्‍येरी झ्‍युङ थुक्‍कीले?”

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 17:15

खेराङगी खुङक्‍याला दे जीक्‍तेनने खेरास्‍योक ॱनेरी, ङा सोवा ग्‍यावामेन हीना ङेन्‍पागोने क्‍योप्‍पा जे ॱनेरी ङा श्‍यी़वाहीन।

योहान्‍ना 17:17

धेन्‍पागी थोक्‍ने खुङक्‍याला धाम्‍पा जे, खेराङगी का धेन्‍पा हीन।

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 27:23

ङा सुने हीन्‍गीन धाङ ङी क्षाक्‍क्षो़पा पुगीन, को़न्‍क्षोकगी भाङछेन च्‍यीक धाङ छेन्‍मो ङी डामदु श्‍युक्‍ती,

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 1:6

धेनी खुङक्‍यामुला खेक्‍याः, येशु मास्‍यीकागी मी झ्‍युङयेला भो़पाक्‍या लाक।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।