योहान्‍ना 9:5 - ॱलोवा

⁵ ङा जीक्‍तेनदु हो़गीन थुक्‍पे, ङा जीक्‍तेनगी हो़ हीन।”

योहान्‍ना 9:5 ပူးပေါင်းရင်းမြစ်များ

मेथा 4:16

मी़नाक्‍पाला धेता मीक्‍याई हो़ क्षे च्‍यीक थोदुक, धेनी छीवे ढीम्‍जाकगी युला धेगीन मीक्‍याला, हो़ च्‍यीक स्‍यारदुक।”

मेथा 5:14

“खेक्‍या जीक्‍तेनगी हो़ लाक। री खाला क्षाक्‍कीन यु दे बा ॱमीथुवालाक।

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

जेपा 13:47

घीझ्‍येरी ॱनाना चोवोगी हेला ‘जाम्‍बुलीङगी था थुक्‍पे मीक्‍याई थारपा थोप्‍पास्‍योक ॱनेरी, ङी खेक्‍याला याहुदापा मेन्‍गीन मीरीकक्‍याई खोक्‍दु हो़क झ्‍युङयेला को़वाहीन।’ सुरी देरे का ॱनावालाक।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।