योहान्‍ना 8:48 - ॱलोवा

⁴⁸ याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

योहान्‍ना 8:48 ပူးပေါင်းရင်းမြစ်များ

मेथा 10:25

ङेने च्‍यीक राङगी घेगेन च्‍योक्‍रे धाङ ॱयोक्‍पो च्‍यीक राङगी दाक्‍पो च्‍योक्‍रे झ्‍युङना ढीक्‍कीलाक। नाङगी दाक्‍पोला बेएलजेबुल ॱनेरी, खुङक्‍याई ॱनेहो़ना, नाङमीक्‍याला होदेने ल्‍हाक घाजो़ ॱनी हो़टु?”

मेथा 10:5

दे च्‍युङङीला येशुगी देरे का ॱनारी झावालाक, “याहुदापा मेन्‍गीन मीरीकक्‍याई घुङला माडो, धेनी सामारीपाक्‍याई युक्‍याला घारुवा माश्‍युक।

मेथा 11:18

“घीझ्‍येरी ॱनाना योहान्‍ना शेरी धाङ थुरी मायोवालाक धेनी खुङक्‍याई, ‘खोला डे श्‍युक दुक।’ ॱनेवालाक।

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 12:31

होझ्‍येरी ङा खेक्‍याला ॱनाहीन, धीक्‍पा घीरी धाङ को़न्‍क्षोकला कुरवा धेप्‍कीन घीरी सेल्‍गीलाक हीना धाम्‍पे थुक्‍ङीला कुरवा धेप्‍कीनगी धीक्‍पा दे सेल्‍गीमालाक।

मेथा 15:7

खे शोक्‍पोक्‍या! खीकी क्षीला यस्‍यायागी ॱङो़नस्‍ये दे तायी सुदुक,

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 10:20

खुङक्‍याने माङक्षेगी ॱनेवालाक, “खी़ नाङदु डे जुदुक धेनी खो ॱङ्यो़दुक। खेक्‍या घीझ्‍येरी खी़ लाबला ङेन्‍दा?”

योहान्‍ना 13:13

खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

योहान्‍ना 4:9

सामारीपा केमीगी खोङबाला श्‍यी़वालाक, “खेराङ याहुदापा च्‍यीक झ्‍येरी, ङा सामारीपा केमी च्‍यीकला, घाङगी झ्‍येरी क्षु थुङयेला ॱलाङाले?” (याहुदापाक्‍या सामारीपाक्‍यामुला ढेवा मेश्‍यालाक।)

योहान्‍ना 7:20

धेनी मीछोकगी ॱनेवालाक, “ख्‍यो़ला डे जुदुक। सी़ ख्‍यो़ला सेयेला थापस्‍यी चालीओ?”

योहान्‍ना 8:22

धेनी याहुदापा पो़न्‍पोक्‍याई ॱनेवालाक, “खी़ ‘ङा डोजारु खेक्‍या हुङ थुक्‍कीमालाक’ ॱनेरी, खी़ राङगी ॱरोक चेये झ्‍यीदा हीन्‍ढी़?”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

ईब्‍रीपा 13:13

धा होझ्‍येरी होराङक्‍या गारगी फीला डोउ धेनी खोङबागी ङ्याङङ्या ङोछागो होराङक्‍याः ङ्याङु।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।