योहान्‍ना 6:69 - ॱलोवा

⁶⁹ धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

योहान्‍ना 6:69 ပူးပေါင်းရင်းမြစ်များ

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मारकु 1:1

को़न्‍क्षोकगी से, येशु मास्‍यीकागी ताम्‍शाङ गो चुक्‍पा।

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 8:29

येशुगी खुङक्‍याला याङ ढीवा जेपालाक, “हीना खेक्‍या, ङा सु लाक सामी हेतो?” पेटोगी ॱनेवालाक, “खेराङ नी, मास्‍यीकागो लाक।”

लुका 9:20

खोङबागी खुङक्‍याला सुवालाक, “हीना खेक्‍या ङा सु लाक ॱनेकीओ?” धेनी पेटोगी लेन तेरती ॱनेवालाक, “को़न्‍क्षोकगी मास्‍यीकागो!”

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

१ योहान्‍ना 4:16

होझ्‍येरी को़न्‍क्षोकगी झाम्‍पा होराङला हो़गीनगो, होराङ स्‍येलालाक धेनी यीच्‍चे झ्‍यीदालाक। को़न्‍क्षोक नी, झाम्‍पा जेगीन को़न्‍क्षोक लाक। धेनी झाम्‍पा नाङला ॱनेगीनगो, को़न्‍क्षोकगी नाङ ॱनेलालाक धेनी को़न्‍क्षोक खी़ नाङ श्‍युक्‍वालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।