योहान्‍ना 6:46 - ॱलोवा

⁴⁶ को़न्‍क्षोकने झ्‍युङगीन खोङबा च्‍यीगागी यापला ज्‍या हो़तालाक धेनी श्‍येम्‍मा सी़या यापला माज्‍या हो़तालाक।

योहान्‍ना 6:46 ပူးပေါင်းရင်းမြစ်များ

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 14:7

खेक्‍याई ङाला ङोस्‍ये हो़ना, ङी यापलाः ङो स्‍येयेहो़क। धा देने ॱहाला, खेक्‍याई खोङबाला ङो स्‍येलालाक धेनी खोङला ज्‍या हो़तालाक।”

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 5:37

धेनी ङाला ॱङाक्‍कीन यापगीराङ ङाला पाङपो जेदालाक। खेक्‍याई खोङबागी सुङकेक नामा माघोर हो़तालाक धेनी खोङबागी कुयीप नामा माज्‍या हो़तालाक।

योहान्‍ना 7:29

ङा नी खोङने होवाहीन धेनी खोङगी ङाला ॱङाक्‍वाहीन होझ्‍येरी ङी खोङला ङो स्‍येलीहो़क।”

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

योहान्‍ना 8:55

खेक्‍याई खोङबाला ङो ॱमेस्‍येलालाक हीना ङी खोङबाला ङो स्‍येलीहो़क। ङी खोङबाला ङो मेस्‍येहो़क ॱनाना ङा खेक्‍या च्‍योक्‍रे शोक्‍पो झ्‍युङगीलाक। हीना ङी खोङबाला ङोस्‍येलीहो़क धेनी खोङबागी का ॱरुङीहो़क।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

१ योहान्‍ना 4:12

को़न्‍क्षोकला सी़या ज्‍या माङ्युङ हो़तालाक हीना होरी च्‍यीकगी च्‍यीकला झाम्‍पा झ्‍यीना, को़न्‍क्षोक होरी नाङदु श्‍युक्‍वालाक धेनी खोङबागी झाम्‍पा होरी नाङदु छाङगो झ्‍युङालाक।