योहान्‍ना 6:38 - ॱलोवा

³⁸ घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 6:38 ပူးပေါင်းရင်းမြစ်များ

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 3:31

ताङने फेप्‍कीनगो घीरीने ॱलाना थोवालाक। धेनी साश्‍यीने हीन्‍गीनगो साश्‍यीगीराङ लाक धेनी साश्‍यीगी थोक्‍नेराङ स्‍येलालाक। नाम्‍खे श्‍यीङखामने फेप्‍कीनगो, घीरीने ॱलाना थोवालाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 6:29

येशुगी खुङक्‍याला सुङा जेपालाक, “को़न्‍क्षोकगी ॱङाक्‍कीनगोला धेपा झ्‍यीयेगो राङ, को़न्‍क्षोकगी क्षाक्‍ले लाक।”

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:42

खुङक्‍याई ॱनेवालाक, “दे योसेफगी भीजा येशु माले? खी़ फामा होराङ ङोस्‍येला माले? धा धान्‍दा खो ‘ङा नाम्‍खे श्‍यीङखामने भाप्‍पा हीन’ ॱनेरी, घाङगी झ्‍येरी ॱनाथुक्‍वाले?”

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

एफीसुपा 4:9

धा “खोङबा नाम्‍खे श्‍यीङखाम थोकला फेप्‍पालाक” ॱनागीनगी दो़न दे घी ले? दो़न नी देराङ लाक, खोङबा एन्‍ला जीक्‍तेनगी साजा ॱमास्‍योकला भाप जेपालाक।

ईब्‍रीपा 5:8

खोङबा से झ्‍येरीयाः, राङगी ङ्याङङ्या दुक्‍पुक्‍याई गोने काला ङेन्‍ये ज्‍याङा जेपालाक।