योहान्‍ना 17:3 - ॱलोवा

³ धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:3 ပူးပေါင်းရင်းမြစ်များ

मारकु 9:37

“ङी मीङने टु च्‍यीमे देला सी़ खेलेन्‍दी, होदेगी़ ङाला खे लेन्‍दालाक। धेनी ङाला खे लेन्‍गीनगी़, ङा मेन्‍दा ङाला ताङगीनला खे लेन्‍दालाक।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 11:42

खेराङगी च्‍योई ङाला सेन्‍गीनगो ङी स्‍येलीहो़क। हीना खेराङगी ङाला ॱङाक्‍पालाक ॱनेरी, दुरु लारी धेता मीक्‍याई धेपा झ्‍यीयेला ङा देरे श्‍युवाहीन।”

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 17:18

खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

योहान्‍ना 5:44

को़न्‍क्षोक च्‍यीक्‍पोने झ्‍युङगीन कुरतीगो ॱमेचाला, खेक्‍या पी़न्‍सुमगी नाङदु कुरती चागीन झ्‍येरी, खेक्‍या घाङगी झ्‍येरी धेपा झ्‍यी थुक्‍कीले?

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

योहान्‍ना 7:29

ङा नी खोङने होवाहीन धेनी खोङगी ङाला ॱङाक्‍वाहीन होझ्‍येरी ङी खोङला ङो स्‍येलीहो़क।”

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

१ थेसालोनीकेपा 1:9

घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

२ पेटो 1:2

को़न्‍क्षोक धाङ होरी चोवो येशुगी स्‍येरापगी नाङ थुक्‍जे धाङ श्‍यीदे, खेक्‍याला मेछो़ली थोप्‍पास्‍योक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 1:8

घीझ्‍येरी ॱनाना दो़न देक्‍या खीकी नाङ हो़ना धेनी फेरी डोना, खेक्‍या होरी चोवो येशु मास्‍यीकागी स्‍येयो़नला फेन मेगीन धाङ ढेबु मेगीन झ्‍युङयेने, देक्‍याई क्‍योप्‍कीलाक।

१ योहान्‍ना 1:2

धेनी दे छेसोकगो ॱङो़न्‍पालाक। हीकी होदे ज्‍यावी धेनी होदेगी पाङपो झ्‍यीदाहीन। धेनी यापगी मुला हो़गीन धाङ स्‍याम्‍ला हीकी चारु ॱङो़न्‍गीन, थामेपे छेसोकगी कोरला हे खेक्‍याला सेटाक झ्‍यीदाहीन।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।