योहान्‍ना 15:13 - ॱलोवा

¹³ राङगी ढोक्‍पोक्‍याई दो़न्‍दु राङ ॱरोक ॱलो़ ताङगीनने ल्‍हाक, झाम्‍पा श्‍येम्‍मा मेक।

योहान्‍ना 15:13 ပူးပေါင်းရင်းမြစ်များ

लुका 12:4

“ङी रोवाक्‍याओ, ङा खेक्‍याला ॱनाहीन ली़ च्‍यीगा से थुप्‍कीन धेनी होदे स्‍याम्‍ने श्‍येम्‍मा घीया झ्‍यी ॱमीथुप्‍कीन मीक्‍याला खेक्‍या माजीक।

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।