15 “खेक्याई ङाला चेवा झ्यीना, ङी काठीमक्या ॱरुङगीलाक।
ङालाः ल्हाक, राङगी फामाला चेवा झ्यीना, होदेला ङी मी झ्युङयेगी आङजा मेक धेनी ङालाः ल्हाक राङगी भु धाङ भोमोला चेवा झ्यीना, होदेला ङी मी झ्युङयेगी आङजा मेक।
येशुगी खुङक्याला सुवालाक, “को़न्क्षोक खीकी याप हीन्ना, खीकी ङाला चेवा झ्यीयेहो़क घीझ्येरी ॱनाना ङा को़न्क्षोकने होवा झ्येरी, ङा धान्दा दुरु हो़क। ङा राङला तेन्दी होवामेन हीना खोङबागी ङाला ॱङाक्पालाक।
चोवोला चेवा मीझ्यीगीनगोला, ॱमेमो फोक्वास्योक। मारानाथा। (हीकी चोवो, खेराङ फेप्रोनाङ।)
घीझ्येरी ॱनाना मास्यीका येशुगी दोङदु पाउ चेगीन ॱरो चीगीन हीन्ना लाक, ॱमीचीगीन हीन्ना घीया फेन मेतालाक हीना झाम्पागी थोक्ने लेगा झ्यीगीन धेपा च्यीगा फेन थोक्वालाक।
होरी चोवो येशु मास्यीकाला धी़ ताक्दु चेवा झ्यीगीनक्याला, को़न्क्षोकगी थुक्जे थोप्पास्योक।
खेक्याई खोङबाला ज्या माङ्युङ हो़ना, खोङला चेवा झ्यीदालाक। धेनी धान्दा खेक्याई खोङबाला मेज्यानाः, खेक्या खोङबाला धेपा झ्यीदालाक धेनी खेक्या स्ये ॱमीथुक्कीन धाङ शीजेगी खाङखा घाटो क्षे झ्यीदालाक।
झाम्पा नी खोङगी सुङगीन काला चीरी, मीजी पी़ये लाक। खेक्या झाम्पे गोने मीजी पी़घो़ ॱनेरी, ॱनागीन काठीम दे खीकी गोमानेराङ घोर हो़तालाक।
