योहान्‍ना 10:4 - ॱलोवा

⁴ खी़ लुकक्‍या फीला तो़न्‍सारती, खो होदेक्‍याई दोङ-दोङला डोवालाक। धेनी लुकक्‍याई खी़ केक स्‍येरी, खी़ स्‍याम्‍ला डाङालाक।

योहान्‍ना 10:4 ပူးပေါင်းရင်းမြစ်များ

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 10:3

घो ॱरुङगीनगी खी़ क्षीला घो पेगीलाक। लुकक्‍याई खी़ केकला ङेन्‍दालाक। धेनी खी़ राङगी लुकक्‍याई मीङने भो़री फीला ठीयालाक।

योहान्‍ना 10:5

ङो ॱमेस्‍येगीन मीगी स्‍याम्‍ला लुकक्‍या मेडाङालाक हीना होदेने डो़री डोवालाक। घीझ्‍येरी ॱनाना होदे मीगी केक लुकक्‍याई ॱमेस्‍येलालाक।”

योहान्‍ना 10:8

ङी एन्‍ला होवा घीरी कुमा धाङ झ्‍याक्‍पा हीन। हीना लुकक्‍याई खुङक्‍याला माङेन्‍बालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 13:15

घीझ्‍येरी ॱनाना ङी खेक्‍याला झ्‍यीगीन च्‍योक्‍रे, खेक्‍या होदेरेराङ झ्‍यीघोयेगी क्षीला ङी खेक्‍याला पे च्‍यीक तो़न हो़क।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

१ कोरीन्‍थुपा 11:1

ङी मास्‍यीका लेमो झ्‍यीगीन च्‍योक्‍रे, खेक्‍यागीयाः ङी लेमो झ्‍यी।

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

१ पेटो 2:21

खेक्‍या दो़न दी क्षीलाराङ भो़वालाक घीझ्‍येरी ॱनाना मास्‍यीकागी स्‍याम्‍ला डाङयेगी क्षीला, मास्‍यीका खीकी दो़न्‍दु दुक्‍पु ङ्यारी, खोङगी खेक्‍याई क्षीला पे च्‍यीक श्‍या जेपालाक।

१ पेटो 4:1

होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ पेटो 5:3

खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।