योहान्‍ना 1:49 - ॱलोवा

⁴⁹ नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 1:49 ပူးပေါင်းရင်းမြစ်များ

मेथा 14:33

धेनी डु नाङदु हो़गीनक्‍याई खोङबाला क्षाक क्षारी श्‍यी़वालाक, “खेराङ नी, धेन्‍पाराङ को़न्‍क्षोकगी से लाक।”

मेथा 2:2

ॱनेवालाक, “याहुदापाक्‍याई ग्‍यावु ठुङगीनगो घारु श्‍युक हो़ताले? घीझ्‍येरी ॱनाना हेक्‍याई खोङबागी कारमा स्‍यार स्‍योकला थोजुङ धेनी हेक्‍या खोङबाला क्षाक्‍छारु होवाहीन।”

मेथा 21:5

“सीयोनगी भोमोला ॱनो़, ‘तो़दाङ, ख्‍यी़ ग्‍यावुगो ॱङ्यामच्‍युङ झ्‍युरी, भुङगु खाला, भुङगी भुङटु च्‍यीक खाला, ख्‍यी़चारु फेई।’”

मेथा 23:7

धेनी ठोमक्‍याला मीक्‍याई घुस्‍याप झ्‍येरी, छाम्‍डी श्‍युगीन धाङ मीक्‍याई खुङक्‍याला ‘राब्‍बी’ ॱनेरी भो़गीनगो थेदालाक।

मेथा 23:8

“हीना खे घीरी पी़न्‍दा च्‍यीक लाक धेनी खेक्‍याला ॱलोपो़न च्‍यीकराङ झ्‍येरी, खेक्‍याला सी़या ‘राब्‍बी’ ॱमानास्‍योक।

मेथा 27:11

धा येशु चीख्‍याप पीलातुगी डुङदु श्‍याङदु च्‍युक्‍ती, चीख्‍यापगी खोङला ढीवालाक, “ख्‍यो़ याहुदापाक्‍याई ग्‍यावु हीने?” येशुगी सुवालाक, “खेकीराङ सुजुङ।”

मेथा 27:42

“खो नी श्‍येम्‍माला क्‍योप थुक्‍ती, राङला क्‍योप ॱमीथुक्‍वालाक। खो नी ईस्‍राएल्‍पाक्‍याई ग्‍यावु लाक ॱनागीनगो माले? खो धान्‍दा ग्‍याङस्‍यीङने माला भाप्‍ती हुङास्‍योक धेनी होराङक्‍या धेपा झ्‍यीदु।

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मारकु 15:32

ईस्‍राएलगी ग्‍यावु, मास्‍यीका, हीकी थोरी धेपा झ्‍यीयेला ख्‍यो़राङ धान्‍दा ग्‍याङस्‍यीङने माला भाप्‍ती स्‍योक।” खोङबामुला ग्‍याङस्‍यीङ खाला क्‍याङक्‍या, झ्‍याक्‍पा ॱङीउगीया खोङबाला ॱमेटा पाप्‍पालाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 1:38

येशुगी श्‍याल लोक्‍ती, खुङ ॱङीउ स्‍याबाला डागीनगो शीक्‍पालाक धेनी खुङ ॱङीउला “खेक्‍या घी चालाले?” सुरी सुवालाक। धेनी खुङ ॱङीउगी श्‍यी़वालाक, “राब्‍बी, खेराङ घारु श्‍युक हो़तो?” (राब्‍बी दो़नगो “ॱलोपो़न” लाक।)

योहान्‍ना 1:50

येशुगी खोला सुवालाक, “ङी ख्‍यो़ला सेयापगी दोङबो होकला थोजुङ ॱनेरी ॱनागीनगोला, ख्‍यो़ धेपा केलाले? ख्‍यी़ देने ल्‍हाक लेगा क्षेक्‍या थोङगीलाक।”

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 4:31

देरे झ्‍युङी घाङला खोङबागी ङेनेक्‍याई खोङबाला, “राब्‍बी, श्‍येलाक श्‍येरोनाङ।” ॱनेरी ॱनी हो़तालाक।