याकोब 3:17 - ॱलोवा

¹⁷ हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

याकोब 3:17 ပူးပေါင်းရင်းမြစ်များ

मेथा 23:28

देरेराङ खेक्‍या फीने मी श्‍येम्‍माक्‍याई दोङदु ढाङा थोङालाक हीना खेक्‍याई नाङगो शोक धाङ धीक्‍पागी खारी धे हेतालाक।

मेथा 5:8

सेम दाक्‍पा हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई को़न्‍क्षोकला ज्‍यागीलाक।

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

लुका 6:36

खीकी याप ॱङीङजेचेन हो़गीन च्‍योक्‍रे, खेक्‍या ॱङीङजेचेन झ्‍युङ।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

जेपा 11:24

बारनाबा नी, मी शाङपो धाङ धाम्‍पे थुक्‍ङी धाङ धेपागी खाङखा, मी च्‍यीक लाक। खी़ झ्‍येरी मी ॱमीच्‍यीकी माङागी, चोवोला धेपा झ्‍येवालाक।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

रोमापा 12:18

झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

२ कोरीन्‍थुपा 9:10

साङा ताप्‍कीनला साङा धाङ शायेला शामा ॱनाङा जेगीन, खोङगी खेक्‍याला ताप्‍येला साङा ॱनाङा जेदी, होदेला फेरु च्‍युक्‍वा जेगीलाक धेनी खीकी ढाङतेनगी लोदोकगो माङा जेगीलाक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

१ थेसालोनीकेपा 2:7

हीना आमागी राङगी टु क्‍योङगीन च्‍योक्‍रे, खेक्‍याई खोकला हेक्‍या जाबो झ्‍येरी धेपी।

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

२ तीमोथेउ 2:24

धेनी चोवोगी श्‍यीप्‍चीवा ठुक्‍चारा हुङये मेतालाक हीना घीरीला ॱङीङजे झ्‍यीगीन धाङ ॱलाप थुप्‍कीन धेनी शो़पा घोम थुप्‍कीन,

तीतोस 1:15

सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्‍यीगीनक्‍याई क्षीदु, घीन्‍दाङ चाङा मेयोङालाक घीझ्‍येरी ॱनाना खुङक्‍याई साम्‍लो धाङ सेमराङ मेढाङा हुङालाक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

ईब्‍रीपा 12:11

ॱलापच्‍या घीरी गोमागोला कीदाने दुक्‍पु माङा हुङालाक हीना स्‍याम्‍ला होदे ङ्याङ ङ्युङगीनक्‍याला, ढाङतेन धाङ श्‍यीदेगी ढेबु थोवालाक।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 2:13

घीझ्‍येरी ॱनाना श्‍येम्‍माला ॱङीङजे मीझ्‍यीगीनला, ॱङीङजे मेगीन ठीम फोक्‍कीलाक। ठीम्‍चो़गी खाला ॱङीङजेगी ग्‍यालालाक।

याकोब 2:4

धा खेक्‍या खेरी नाङदुराङ ॱयेवा झ्‍येरी, खेक्‍या साम्‍लो ङेन्‍पागी ठीम्‍पो़न झ्‍युवामाले?

याकोब 3:15

देरे स्‍येराप नी, को़न्‍क्षोकने मालाक हीना दे नी, जीक्‍तेन धाङ स्‍याठाक धाङ धी़गी स्‍येराप लाक।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ पेटो 2:18

योक्‍पोक्‍याओ, कुरती क्षेन्‍बो गोने राङगी दाक्‍पोक्‍याई होकला धो़क। खेक्‍याला घा धाङ ज्‍याबो झ्‍यीगीन दाक्‍पोला च्‍यीगा मेन्‍दा, हीना खेक्‍याला चुवा झ्‍यीगीन दाक्‍पोक्‍याई होकलाः धो़क।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।