ईब्‍रीपा 9:24 - ॱलोवा

²⁴ मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

ईब्‍रीपा 9:24 ပူးပေါင်းရင်းမြစ်များ

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मारकु 14:58

“‘मीगी लाक्‍पागी शो़सा, को़न्‍क्षोकगी क्षो़खाङ दे स्‍यीक्‍ती लाक्‍पागी चीक्‍चा मेन्‍दा श्‍येम्‍मा क्षो़खाङ च्‍यीक, ङी श्‍याक्‍मु सुम नाङला चीउ’ ॱनेरी खी़ ॱनागीनगो हीकी घोजुङ।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

रोमापा 8:33

को़न्‍क्षोकगी दामा जेजाक्‍याला सी़ क्‍यो़न चुक थुक्‍कीले? ढाङपो जेगीन नी को़न्‍क्षोक लाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

कोलोसेपा 3:2

साश्‍यीदु हो़गीन दो़नक्‍याला मेन्‍दा, नाम्‍खे श्‍यीङखामदु हो़गीन दो़नक्‍याला साम्‍लो तोङ।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

ईब्‍रीपा 8:2

धेनी मीक्‍याई मेन्‍दा हीना को़न्‍क्षोकगी चुक जेजा ॱङोन्‍ने घुरखाङगी धाम्‍पे धाम्‍पा ॱनेसारु, खोङबा श्‍याप्‍ची श्‍युवा जेदालाक।

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

ईब्‍रीपा 9:1

धाम्‍चा धाङपोगी नाङला, क्षाक्‍क्षो़पा झ्‍यीगीनगी ठीमक्‍या धाङ जीक्‍तेनदु, क्षाक्‍क्षो़पा झ्‍यीसा च्‍यीक हो़तालाक।

ईब्‍रीपा 9:23

नाम्‍खे श्‍यीङखामगी पेला हो़गीन, घुरखाङ धाङ दे नाङला हो़गीन घीरीला, ॱमारछो़गी चाङमा झ्‍यीघो़। हीना को़न्‍क्षोकगी श्‍यीङखामदु हो़गीनक्‍याला, देले ल्‍हाक ॱमारछो़ शाङा घो़वालाक।

ईब्‍रीपा 9:9

दे नी धान्‍दागी धी़ला तो़न्‍गीन ताक च्‍यीक लाक। धेनी दी, को़न्‍क्षोकला पुपा क्षो़पा धाङ ॱमारछो़क्‍याई क्षाक्‍क्षो़पा पुगीनक्‍याई, स्‍येशाङ चाङमा शो़ ॱमीथुक्‍वालाक ॱनेरी तो़न्‍दालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

ॱङो़न्‍पा 8:3

धेनी नाम्‍खे भाङछेन श्‍येम्‍मा च्‍यीक, सेरगी पो़फोर खेरती फेप्‍जुङ धेनी क्षो़ठीगी डामदु श्‍यारी श्‍युक्‍जुङ। धेनी श्‍युक्‍ठीगी दोङदु हो़गीन सेरगी क्षो़ठी खाला, धाम्‍पे मीक्‍याई ॱमो़लामक्‍या पुयेला, खोला पो़ माङा ॱनावालाक।