ईब्‍रीपा 9:15 - ॱलोवा

¹⁵ को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

ईब्‍रीपा 9:15 ပူးပေါင်းရင်းမြစ်များ

मेथा 19:29

धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मेथा 22:3

धेनी क्षाङसाला भो़पा मीक्‍याला भो़रु, खी़ खोरी ॱयोक्‍पोक्‍याला झावालाक हीना खुङक्‍या हुङङी मादो़पालाक।

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 25:36

ङा घो़न्‍ये मेती घाङला, खीकी ङाला घोलाक को़न्‍जुङ। धेनी ङा नी घाङला, खीकी ङाला दाक्‍पो ग्‍याप्‍जुङ। ङा चो़न्‍खाङदु हेती घाङला, खेक्‍या ङाला थुक्‍तु होजुङ।’

मारकु 10:17

धेनी येशु लाम्‍गाला फेई घाङला, मी च्‍यीक भाङ तारी होरी येशुगी डुङदु पीमु साला चुक्‍ती, खोङबाला श्‍यी़वालाक, “ॱलोपो़न शाङपो ला, थामेपे छेसोक थोप्‍येला, ङी घी झ्‍यी घो़गीले?”

लुका 18:18

पो़न्‍पो च्‍यीकगी येशुला श्‍यी़वालाक, “घेगेन शाङपो ला, थामेगीन मीछे थोप्‍येला ङा घी झ्‍यीघो़गुले?”

लुका 22:20

होझ्‍येरीराङ श्‍येलाक शेछारती, खोङबागी श्‍यागा ॱनुम्‍दी सुवालाक, “दे फोरा दे खीकी दो़न्‍दु ॱलुक्‍ला, ङी ठाकगी गोने धाम्‍चा साबागो लाक।

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

गालातीयापा 3:20

छोक च्‍यीक च्‍यीगा हो़ना बारमी मेघोलालाक धेनी को़न्‍क्षोक च्‍यीकराङ हीन।

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

२ थेसालोनीकेपा 2:14

होरी चोवो येशु मास्‍यीकागी शीजे थोप्‍येला हीकी ताम्‍शाङगी थोक्‍ने, को़न्‍क्षोकगी खेक्‍याला दो़न देगी क्षीला भो़ जेपालाक।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

तीतोस 3:7

देरे झ्‍येरी खोङबागी थुक्‍जेगी थोक्‍ने, को़न्‍क्षोकगी डुङदु होराङ ढाङपो झ्‍युवालाक धेनी होराङगी रेवा झ्‍यीगीन, थामेपे छेसोकगी ग्‍युज्‍यीन को़ जेपालाक।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 6:13

को़न्‍क्षोकगी आब्‍राहामला धाम्‍चा जेदाराङ राङला क्षे सुवाः मेता, खोङबागी राङला पाङपो चुक्‍ती धाम्‍चा दे जेपालाक,

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

ईब्‍रीपा 7:22

उ ॱना देगी झ्‍येरी, येशु नी धाम्‍चा शाङागी गेन श्‍येगीन झ्‍युङालाक।

ईब्‍रीपा 8:13

दे धाम्‍चा देला साबा सुङा जेदी, खोङगी धाम्‍चा धाङपोगोला ॱङीङबा जेदालाक। धेनी ॱङीङबा धाङ धी़चो़ जोक्‍चागो, ग्‍योक्‍वा येरी डुगीलाक।

ईब्‍रीपा 9:12

धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

ईब्‍रीपा 9:16

धा खाछेम श्‍याक्‍हो़ना, होदे खाछेम श्‍याक्‍गीनगो स्‍यीछागीनगो धेन्‍पाङ झ्‍यीघो़।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।