ईब्‍रीपा 7:28 - ॱलोवा

²⁸ घीझ्‍येरी ॱनाना क्षो़ठीमगी मी क्‍योवाक्‍याला चो क्षो़पो़न को़लालाक हीना धी़ तेनगी क्षीदु फी़न्‍सुम छोक्‍पा जेजा, को़न्‍क्षोकगी सेला क्षो़ठीमने श्‍युकला होवा उ ॱनागी कागी थोक्‍ने, खोङबाला चो क्षो़पो़न को़ जेपालाक।

ईब्‍रीपा 7:28 ပူးပေါင်းရင်းမြစ်များ

लुका 13:32

खोङबागी खुङक्‍याला सुवालाक, “सोरी होदे स्‍याल्‍लाला ॱनो़, ‘धीरीङ धाङ ॱङेटो ङा डेक्‍या तो़न्‍येहीन धेनी चो़गा झ्‍यीये लेगा झ्‍यीयेहीन धेनी श्‍याक्‍मु सुम्‍बागोला ङी लेगा जोक्‍कीलाक।

योहान्‍ना 19:30

धेनी येशुगी होदे घुन्‍क्षाङ क्‍युरमुगो श्‍येरी सुवालाक, “धा डुप्‍जो।” धेनी खोङबागी उ घुक्‍ती कुसोक ॱलो़ ताङा जेपालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ईब्‍रीपा 2:10

ॱङोपो घीरी को़ जेगीन नी, को़न्‍क्षोक लाक धेनी घीरी खोङगी क्षीदु को़ जेपालाक। धेनी भीजा धाङ भोमो माङाला शीजे नाङदु ठीक्‍ती हुङयेगी क्षीदु, येशुला दुक्‍पु ङ्याङदु च्‍युक्‍ती फी़न्‍सुम छोक्‍पा जेयेगो, को़न्‍क्षोकगी क्षीदु ताक-ताक झ्‍युवालाक। येशुराङ खुङक्‍याला थारपाला ठीक्‍कीनगो लाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 5:5

देरेराङ झ्‍येरी मास्‍यीकागीयाः चो क्षो़पो़न झ्‍युङयेला, राङगी राङला कुरती माजेपालाक हीना खोङला देरे सुङगीन को़न्‍क्षोकगी खोङला को़वालाक, “ख्‍यो़ नी ङी भु लाक। धीरीङ ङा ख्‍यी़ याप झ्‍युङ हो़क।”

ईब्‍रीपा 7:21

हीना खोङबाला उ ॱना श्‍येया जेदी, क्षो़पो़न को़वालाक। धेनी खोङबागी कोरला को़न्‍क्षोकगी देरे सुङा जेपालाक, “को़न्‍क्षोकगी उ ॱना श्‍ये जेदुक, धेनी खोङगी सेम ग्‍युरा जेगीमालाक, ‘ख्‍यो़ नी धी़ तेनगी क्षीदु क्षो़पो़न लाक।’”

ईब्‍रीपा 7:24

हीना येशु तेन्‍दु सो़न्‍पो ॱनेगीन झ्‍येरी, खोङबागी क्षो़पो़नगी लेगेनगो धी़ तेन्‍दु ॱनेलालाक।

ईब्‍रीपा 7:3

खोङगी आकी धाङ आमा धाङ रीग्‍यु धाङ केगीनगी धी़ याङना ढोङगीनगी धी़गी कोरला घीयाः मेतालाक। हीना खोङ नी, को़न्‍क्षोकगी से च्‍योक्‍रे, धी़ तेनगी क्षो़पो़न लाक।