ईब्‍रीपा 7:26 - ॱलोवा

²⁶ धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

ईब्‍रीपा 7:26 ပူးပေါင်းရင်းမြစ်များ

मेथा 27:18

घीझ्‍येरी ॱनाना याहुदापा पो़न्‍पोक्‍याई ठादोक झ्‍येरी, येशुला ची ग्‍याप्‍कीनगो खोला स्‍येये हो़तालाक।

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 23:22

पीलातुगी थेङमा सुम्‍बाला खुङक्‍याला ॱनेवालाक, “घीझ्‍येरी? मी दी ङेन्‍पा घी झ्‍येदो? ङी खोला सेयेगी क्षेपा का घोगीन क्‍यो़न घीया ॱमेथोङा। होझ्‍येरी खोला ङा ताजाक श्‍युरती ताङयेहीन।”

लुका 23:41

होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

लुका 24:26

मास्‍यीकागी दे घीरी दुक्‍पु ङ्याङ घो़री, खोरी शीजेदु फेप घो़गु माले?”

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 2:10

ॱङोपो घीरी को़ जेगीन नी, को़न्‍क्षोक लाक धेनी घीरी खोङगी क्षीदु को़ जेपालाक। धेनी भीजा धाङ भोमो माङाला शीजे नाङदु ठीक्‍ती हुङयेगी क्षीदु, येशुला दुक्‍पु ङ्याङदु च्‍युक्‍ती फी़न्‍सुम छोक्‍पा जेयेगो, को़न्‍क्षोकगी क्षीदु ताक-ताक झ्‍युवालाक। येशुराङ खुङक्‍याला थारपाला ठीक्‍कीनगो लाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 7:11

धा मीमाङक्‍याला ॱनाङना क्षो़ठीमला तेन्‍दी, लेवी क्षो़पो़नगी घोक्‍जा थोक्‍ने फी़न्‍सुम छोक्‍पा थोप्‍ये हीन्‍ना, आरोनगी ग्‍युपाने मेन्‍दा मेल्‍कीजेदेक च्‍योक्‍रे, श्‍येम्‍मा क्षो़पो़न झ्‍युङघोये हो़तालाक से?

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।