ईब्‍रीपा 7:14 - ॱलोवा

¹⁴ घीझ्‍येरी ॱनाना होरी चोवो नी, याहुदागी ग्‍युपाने लाक ॱनेरी सावो हो़तालाक। धेनी ग्‍युपा देने क्षो़पो़न झ्‍युङगीनगी कोरला, मोशेगी घीया ॱमासुङ हो़तालाक।

ईब्‍रीपा 7:14 ပူးပေါင်းရင်းမြစ်များ

मेथा 2:6

‘याहुदा युगी बेथलेहेम ख्‍यो़, याहुदापा पो़न्‍पोक्‍याने, ख्‍यो़ घाने च्‍युङा मेन, घीझ्‍येरी ॱनाना ख्‍यी़ नाङने, वाङग्‍युर झ्‍यीगीन च्‍यीक हुङगीलाक। खो ङी मीरीक ईस्‍राएलगी झीउ झ्‍युङगीलाक।’”

लुका 1:43

हीना ङी चोवोगी युम ङीचारु फेप्‍कीन, देरे काटीन ङाला घाङगी झ्‍येरी झ्‍युवाले?

लुका 3:33

नाहासोन आमीनादाबगी भीजा धाङ आमीनादाब एदमीनगी भीजा धाङ एदमीन आरनीगी भीजा धाङ आरनी हेसरोनगी भीजा धाङ हेसरोन फारेसगी भीजा धाङ फारेस युदागी भीजा धाङ

योहान्‍ना 20:13

खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 2:3

धा मी ख्‍यो़, देरे लेगा झ्‍यीगीनक्‍याला ख्‍यी़ क्‍यो़न चुक धेनी ख्‍यो़राङगोवाः हुरे लेगाराङ झ्‍यीना, को़न्‍क्षोकगी ठीम्‍चो़ने ख्‍यो़ थारटु साम्‍ये?

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

ईब्‍रीपा 7:13

धा हीकी स्‍येगीन क्षो़पो़न दे नी, ग्‍युपा श्‍येम्‍माने लाक धेनी दे ग्‍युपाने सी़याः नामा क्षो़ठीला श्‍याप्‍ची श्‍यी़ माङ्युङालाक।

ईब्‍रीपा 7:15

धा मेल्‍कीजेदेक च्‍योक्‍रे क्षो़पो़न झ्‍युङये हो़ना, दे लाब दे ॱयोल्‍ले सावो झ्‍युङालाक।

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”

ॱङो़न्‍पा 5:5

धेनी ॱलोपो़नक्‍याने च्‍यीकगी ङाला सुजुङ, “माङु। तो़दाङ, युदागी ग्‍युपागी सीङगे धाङ दावीदगी चावा हीन्‍गीन, खोङबागी ग्‍याखा थोप हो़तालाक। धेनी खोङबागी स्‍योक्‍टीगो खा स्‍यीक्‍ती, थेचे धी़नगो कोक थुक्‍वालाक।”