ईब्‍रीपा 5:7 - ॱलोवा

⁷ येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

ईब्‍रीपा 5:7 ပူးပေါင်းရင်းမြစ်များ

मेथा 27:46

धेनी छुची सुम्‍बा चो़ला, येशुगी सुङकेक क्षेला देरे सुवालाक, “एली, एली, लेमा साबाक्‍थानी?” दे ॱनाना “ङी को़न्‍क्षोक, ङी को़न्‍क्षोक, खेकी ङाला घीझ्‍येरी पाङा हीनो?”

मेथा 27:50

धेनी धाब्‍ले येशुगी सुङकेक क्षे तो़न्‍दी, कुसोक ॱलो़ तावालाक।

मारकु 15:34

धेनी छुची सुम्‍बाला, येशुगी सुङकेक क्षेला सुवालाक, “ईलोई, ईलोई, लामा साबाक्‍थानी?” दी दो़न्‍दाकगो, “ङी को़न्‍क्षोक, ङी को़न्‍क्षोक, खेकी ङाला घीझ्‍येरी पाङा हीनो?”

मारकु 15:37

धेनी येशुगी सुङकेक क्षे तो़न्‍दी उप ताङा जेपालाक।

लुका 23:46

धेनी येशुगी सुङकेक क्षेला सुवालाक, “ङी याप, ङी सेम ङा खेराङगी क्षाकला पुयेहीन।” धेनी दे सुरी खोङबा ढोवालाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 11:35

येशु स्‍युम्‍बालाक।

योहान्‍ना 11:42

खेराङगी च्‍योई ङाला सेन्‍गीनगो ङी स्‍येलीहो़क। हीना खेराङगी ङाला ॱङाक्‍पालाक ॱनेरी, दुरु लारी धेता मीक्‍याई धेपा झ्‍यीयेला ङा देरे श्‍युवाहीन।”

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:5

होझ्‍येरी मास्‍यीका जीक्‍तेनदु फेवाराङ खोङबागी सुवालाक, “ॱमारछो़ धाङ क्षो़पा खेराङगी मादो़पालाक, हीना ङी क्षीदु खेराङगी ली़ च्‍यीक स्‍यामा जेपालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

१ योहान्‍ना 4:3

हीना येशुला खेलेन मीझ्‍यीगीन सेम्‍ङी घीरी, को़न्‍क्षोकने मालाक। दे नी मास्‍यीकागी डा हीन्‍गीनगी सेम्‍ङी लाक। सेम्‍ङी दे हुङगीलाक ॱनेरी, खेक्‍याई घोरङ्युङ हो़तालाक धेनी धान्‍दा होदे जीक्‍तेनदु होसादुक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।