ईब्‍रीपा 3:19 - ॱलोवा

¹⁹ होझ्‍येरी खुङक्‍याई धेपा मेगीनगी झ्‍येरी, खुङक्‍या नामा जु ॱमाथुप्‍तागो होराङ स्‍येलालाक।

ईब्‍रीपा 3:19 ပူးပေါင်းရင်းမြစ်များ

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

योहान्‍ना 3:18

खोङबाला धेपा झ्‍यीगीनला ठीम ॱमेफोक्‍कीलाक हीना खोङबाला धेपा मीझ्‍यीगीनगोला, एन्‍दुरु ठीम फोक्‍सालाक घीझ्‍येरी ॱनाना खी़ को़न्‍क्षोकगी से च्‍यीक्‍पोगी छेनला धेपा माझ्‍येवालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

रोमापा 11:23

धेनी ईस्‍राएल्‍पाक्‍याः राङगी धेपा मेगीनला ॱनेती मेधेना, को़न्‍क्षोकगी खुङक्‍याला थी़ जेगीलाक घीझ्‍येरी ॱनाना खुङक्‍याला धाब्‍ले दोङबोला थी़येगी वाङ खोङला हो़तालाक।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।

युदा 1:5

खेक्‍याई दे लाब घीरी एम्‍माने स्‍येहो़नाः, ङा खेक्‍याला याङ देक्‍या ढो़न्‍सो ॱलाङी दो़दीक। चोवोगी थेङ च्‍यीकला, एजेप युने राङगी मीक्‍याला थारतु च्‍युक्‍वा जेपालाक हीना स्‍याम्‍ला धेपा मीझ्‍यीगीनक्‍याला मेताला जेपालाक।