ईब्‍रीपा 2:17 - ॱलोवा

¹⁷ होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 2:17 ပူးပေါင်းရင်းမြစ်များ

रोमापा 15:17

होझ्‍येरी को़न्‍क्षोकगी क्षीदु ङी श्‍याप्‍ची श्‍युगीनगोला, ङा मास्‍यीका येशुगी नाङ ङोम्‍सो झ्‍यीयेगी दो़न हो़क।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

एफीसुपा 2:16

धेनी खोङबा ग्‍याङस्‍यीङला ढोङगीनगी थोक्‍ने, होराङ ॱङीगाराला ली़ च्‍यीकला को़न्‍क्षोकमुला दोमा जेदी दाङसेमगो मेताला जेपालाक।

कोलोसेपा 1:21

एम्‍मा खेक्‍या ले ङेन्‍पा झ्‍येरी को़न्‍क्षोकने, खा डारी ग्‍याङदु सोरी, राङगी सेमने खोङला डा शीम्‍बालाक।

ईब्‍रीपा 10:21

धा होराङला को़न्‍क्षोकगी फोडाङ नाङदु क्‍योङगीन, क्षो़पो़न खाक्‍क्षे च्‍यीक हो़गीन झ्‍येरी,

ईब्‍रीपा 2:11

घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 2:16

घीझ्‍येरी ॱनाना खोङगी नाम्‍खे भाङछेनक्‍याला मेन्‍दा हीना आब्‍राहामगी ग्‍युपाक्‍याला रोक्‍राम जेदालाक ॱनेरी, सावो दुक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 3:2

को़न्‍क्षोकगी नाङमीक्‍यामुला मोशे ॱलोते छोक्‍पा हो़गीन च्‍योक्‍रे, येशु खोङला को़ जेगीनमुला ॱलोते छोक्‍पा हो़तालाक।

ईब्‍रीपा 3:5

धा मोशे नी को़न्‍क्षोकगी नाङमीमुला श्‍याप्‍चीपा च्‍योक्‍रे, ॱलोते छोक्‍पा हो़गीन झ्‍येरी, माउपारला को़न्‍क्षोकगी सुङये हीन्‍गीन कागी कोरला, खी़ पाङपो झ्‍येवालाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 5:1

चो क्षो़पो़न रे-रे मीक्‍याई, खोक्‍ने दामालाक धेनी खुङक्‍या मीक्‍याई क्षीदु को़न्‍क्षोकला क्षो़पा धाङ धीकस्‍याकगी, ॱमारछो़ पुयेगी क्षीदु को़लालाक।

ईब्‍रीपा 5:10

धेनी मेल्‍कीजेदेक च्‍योक्‍रे, खोङबाला को़न्‍क्षोकगी चो क्षो़पो़न को़ जेपालाक।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।

ईब्‍रीपा 5:5

देरेराङ झ्‍येरी मास्‍यीकागीयाः चो क्षो़पो़न झ्‍युङयेला, राङगी राङला कुरती माजेपालाक हीना खोङला देरे सुङगीन को़न्‍क्षोकगी खोङला को़वालाक, “ख्‍यो़ नी ङी भु लाक। धीरीङ ङा ख्‍यी़ याप झ्‍युङ हो़क।”

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

ईब्‍रीपा 7:28

घीझ्‍येरी ॱनाना क्षो़ठीमगी मी क्‍योवाक्‍याला चो क्षो़पो़न को़लालाक हीना धी़ तेनगी क्षीदु फी़न्‍सुम छोक्‍पा जेजा, को़न्‍क्षोकगी सेला क्षो़ठीमने श्‍युकला होवा उ ॱनागी कागी थोक्‍ने, खोङबाला चो क्षो़पो़न को़ जेपालाक।

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

ईब्‍रीपा 8:3

चो क्षो़पो़न हो़लेगो, क्षो़पा धाङ ॱमारछो़क्‍या पुयेगी क्षीदु को़वालाक। होझ्‍येरी होदे चो क्षो़पो़नलाः क्षो़पा पुये रे घो़वालाक।

ईब्‍रीपा 9:11

होझ्‍येरी मास्‍यीका नी, धान्‍दा झ्‍युजा शाङा घीरीगी चो क्षो़पो़न झ्‍युवालाक। धेनी खोङबा मीगी लाक्‍पागी शो़सा मेन्‍दा, याङना जीक्‍तेन देगी मेन्‍गीन घुरखाङ चाक्षेस्‍योक धाङ याङदाक्‍पागी नाङने फेप्‍पालाक।