ईब्‍रीपा 13:20 - ॱलोवा

²⁰ धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 13:20 ပူးပေါင်းရင်းမြစ်များ

मेथा 26:28

घीझ्‍येरी ॱनाना दे नी, धाम्‍चा साबागी ङी ठाक हीन। ठाक दे माङक्षेगी, धीक्‍पा सेयेगी क्षीला थो़न्‍गीलाक।

मारकु 14:24

धेनी येशुगी सुवालाक, “दे नी धाम्‍चा साबागी ङी ठाक लाक। दे मी ॱमीच्‍यीकी माङागी छीला ॱलुक्‍कीलाक।

लुका 22:20

होझ्‍येरीराङ श्‍येलाक शेछारती, खोङबागी श्‍यागा ॱनुम्‍दी सुवालाक, “दे फोरा दे खीकी दो़न्‍दु ॱलुक्‍ला, ङी ठाकगी गोने धाम्‍चा साबागो लाक।

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 10:14

“ङा नी, लुक्‍जी शाङपोगो हीन। यापगी ङाला खेन्‍दालाक। धेनी ङीया यापला ङो स्‍येलालाक। देरेराङ झ्‍येरी ङी राङगी लुकक्‍याला ङोस्‍येलीहो़क। धेनी ङी लुकक्‍यागीयाः ङाला ङो स्‍येलालाक। ङा नी लुकक्‍याई दो़न्‍दु, राङगी ॱरोक ॱलो़ ताङाहीन।

जेपा 13:30

हीना को़न्‍क्षोकगी येशुला छीवाने सो़न्‍पो श्‍याङ जेपालाक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 5:30

खेराङक्‍याई ग्‍याङस्‍यीङ खाला शेर ग्‍याप्‍ती सेसा येशुला, हीकी धाङबी फामाक्‍याई चीगीन को़न्‍क्षोकगी याङ सो़न्‍पो श्‍याङ जेपालाक।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

रोमापा 10:7

याङना राङगी सेम नाङदु ‘सातीङ होकला सु डोगीले?’ ॱनेरी ॱमाना।” (दे नी मास्‍यीकाला छीवाने याला ठीक्‍ती हुङयेगी क्षीदु लाक।)

रोमापा 15:33

श्‍यीदेगी को़न्‍क्षोक खेक्‍या घीरीमुला श्‍युक्‍वास्‍योक। आमेन।

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ कोरीन्‍थुपा 14:33

घीझ्‍येरी ॱनाना को़न्‍क्षोक नी, गो ठुक्‍तु च्‍युक्‍कीन को़न्‍क्षोक मेन्‍दा श्‍यीदेगी को़न्‍क्षोक लाक। धाम्‍पे मीक्‍याई क्षो़छोक घीरीगी डोताङला तेन्‍दी,

१ कोरीन्‍थुपा 15:15

देने ल्‍हाक हेक्‍याई को़न्‍क्षोकगी कोरला पाङपो शोक्‍पो तेरकीन झ्‍युङालाक घीझ्‍येरी ॱनाना खोङबागी मास्‍यीकाला छीवाने कुसो़न्‍पो श्‍याङा जेपालाक ॱनेरी, हीकी पाङपो झ्‍येवालाक। हीना ॱङोन्‍ने छीवाने सो़न्‍पो लाङये मेना, खोङबागीयाः मास्‍यीकाला कुसो़न्‍पो श्‍याङा माजेपालाक।

१ कोरीन्‍थुपा 6:14

धेनी को़न्‍क्षोकगी राङगी नी़थुगी गोने, चोवोला छीवाने कुसो़न्‍पो जेपालाक धेनी होराङलाः खोङगी सो़न्‍पो जेगीलाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

एफीसुपा 1:20

को़न्‍क्षोकगी मास्‍यीकाला छीवाने कुसो़न्‍पो श्‍याङा जेपालाक धेनी नाम्‍खे श्‍यीङखामक्‍यारु, राङगी क्षाक ॱयेरु श्‍युक्‍तु च्‍युक्‍वा जेपालाक।

फीलीप्‍पीपा 4:9

खेक्‍याई ङाने घी ज्‍याङगीन धाङ खेलेन झ्‍यीगीन धाङ ङेन्‍गीन धाङ थोङगीन लाबक्‍या, राङगी मीछेला लाक्‍लेन झ्‍यी। धेनी श्‍यीदेगी को़न्‍क्षोक खेक्‍यामुला श्‍युक्‍वा जेगीलाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ थेसालोनीकेपा 3:16

धा श्‍यीदेगी चोवो राङगी, खेक्‍याला धी़चो़ घीरी धाङ ॱनाछोक घीरीला श्‍यीदे ॱनाङास्‍योक। चोवो खेक्‍या घीरीमुला हुङास्‍योक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 9:20

धेनी खोङगी देरे सुवालाक, “को़न्‍क्षोकगी खेक्‍याला का ॱनाङना धाम्‍चागी ठाकगो दे लाक।”

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।