ईब्‍रीपा 12:28 - ॱलोवा

²⁸ होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 12:28 ပူးပေါင်းရင်းမြစ်များ

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

लुका 1:33

खोङबा याकोबगी ग्‍युपा खाला धी़ ग्‍युन्‍दु वाङग्‍युर झ्‍यीगीलाक धेनी खोङबागी ग्‍यासीगी था नामा झ्‍युङगीमालाक।”

रोमापा 11:20

दे धेन्‍पा लाक। खुङक्‍याई धेपा माझ्‍येवा खुङक्‍या च्‍येपालाक। हीना खेक्‍याई धेपा झ्‍येरी खेक्‍या ॱने हो़तालाक। होझ्‍येरी राङतो़ माझ्‍यी हीना जीक्‍नाङ झ्‍यी।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 5:10

धेनी चोवोगी थुक गेगीनगी दो़नगोक्‍या स्‍येलाझ्‍यी।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

ईब्‍रीपा 10:19

होझ्‍येरी पी़नक्‍याओ, येशुगी कुठाकगी गोने, धाम्‍पे धाम्‍पा ॱनेसा नाङदु जुयेगी ॱलोगोक, होराङला हो़तालाक।

ईब्‍रीपा 13:15

होझ्‍येरी येशुगी गोने, होराङ को़न्‍क्षोकला च्‍योई तो़पागी क्षो़पा पुलो। दे नी, खोङगी छेन खेलेन झ्‍यीगीन होरी खागी ढेबु लाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ पेटो 2:20

घीझ्‍येरी ॱनाना खेक्‍याई ले ङेन्‍पा झ्‍येरी, दुङदाक शाराङ शो़पा झ्‍यीना, देला घी फेन्‍दा हो़तालाक से? हीना ले शाङा झ्‍येरीयाः दुक्‍पु राक्‍वाराङ शो़पा झ्‍यीना, दे को़न्‍क्षोकला थुक्‍ङेउ झ्‍युङालाक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

ॱङो़न्‍पा 1:6

धेनी होराङला खोङगी याप को़न्‍क्षोकला श्‍याप्‍ची श्‍युयेला, ग्‍यासी धाङ क्षो़पो़न जेगीन, खोङबाला शीजे धाङ वाङ ग्‍युने ग्‍युन्‍दु हुङवास्‍योक। आमेन।

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”

ॱङो़न्‍पा 5:10

धेनी खुङक्‍याला होरी को़न्‍क्षोकगी क्षीदु ग्‍याखाप धाङ क्षो़पो़नक्‍या को़ जेपालाक। धेनी खुङक्‍याई जीक्‍तेनदु वाङ झ्‍यीगीलाक।”