ईब्‍रीपा 12:27 - ॱलोवा

²⁷ “धोराङाः थेङ च्‍यीक” सुङगीन का दी, को़पागी नाङ हो़गीन घु-घु ताङ थुक्‍कीन घीरी मेताला जेगीलाक धेनी घु-घु ताङ ॱमीथुक्‍कीनक्‍या ॱनेगीलाक।

ईब्‍रीपा 12:27 ပူးပေါင်းရင်းမြစ်များ

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

रोमापा 8:21

को़पा राङगो रुरी डोये हीन्‍गीन वाङने थारती, को़न्‍क्षोकगी से धाङ सेमोगी शीजेगी राङवाङ थोप्‍येगो लाक।

१ कोरीन्‍थुपा 7:31

धेनी जीक्‍तेनगी च्‍यालाकक्‍या लाक्‍लेन ताङगीनक्‍या, होदेला ढेवा घीया मेगीन च्‍योक्‍रे झ्‍यीघो़। घीझ्‍येरी ॱनाना जीक्‍तेनगी धान्‍दागी ॱनाम्‍पा नी मेताला डी़।

ईब्‍रीपा 1:10

खोङबागी याङ सुङालाक, “के चोवो थोक्‍मा खेराङगी साश्‍यीगी ॱमाङस्‍यी तीङ हो़तालाक, धेनी नाम्‍खाक्‍या खेराङगी क्षाकगी को़ जेपालाक।

ईब्‍रीपा 13:14

घीझ्‍येरी ॱनाना दे जीक्‍तेनदु होराङला तेन्‍जाक धेयेला ग्‍याजा मेतालाक हीना हुङये हीन्‍गीन ग्‍याजागोला होराङ घुक्‍ती धेतालाक।

ईब्‍रीपा 9:11

होझ्‍येरी मास्‍यीका नी, धान्‍दा झ्‍युजा शाङा घीरीगी चो क्षो़पो़न झ्‍युवालाक। धेनी खोङबा मीगी लाक्‍पागी शो़सा मेन्‍दा, याङना जीक्‍तेन देगी मेन्‍गीन घुरखाङ चाक्षेस्‍योक धाङ याङदाक्‍पागी नाङने फेप्‍पालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 21:1

धेनी ङी नाम्‍खे श्‍यीङखाम साबा धाङ साश्‍यी साबा थोजुङ घीझ्‍येरी ॱनाना एम्‍मागी ॱनाम धाङ साश्‍यी येरी सोवालाक। धेनी ग्‍याछोगोवाः येरी मेतालाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”