ईब्‍रीपा 12:24 - ॱलोवा

²⁴ धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 12:24 ပူးပေါင်းရင်းမြစ်များ

मेथा 23:35

होझ्‍येरी ढाङपो हाबेलगी ठाकने क्षो़खाङ धाङ क्षो़ठीगी घुङदु, खीकी सेगीन बेरेकीयागी भीजा जेकारीयासगी ठाक थुक्‍पे धेनी साला जाक्‍कीन ढाङतेनगी ठाक घीरीगी गेनगो, खेक्‍याई लेन घो़गुलाक।

मेथा 26:28

घीझ्‍येरी ॱनाना दे नी, धाम्‍चा साबागी ङी ठाक हीन। ठाक दे माङक्षेगी, धीक्‍पा सेयेगी क्षीला थो़न्‍गीलाक।

मारकु 14:24

धेनी येशुगी सुवालाक, “दे नी धाम्‍चा साबागी ङी ठाक लाक। दे मी ॱमीच्‍यीकी माङागी छीला ॱलुक्‍कीलाक।

लुका 11:51

ङा खेक्‍याला धेन्‍पाराङ ॱनाहीन, हाबेलगी धी़चो़ने जेकारीयास थुक्‍पे क्षो़ठी धाङ क्षो़खाङगी घुङदु सेसा ठाकगी क्षेपा दे मीरापला फोक्‍कीलाक।

लुका 22:20

होझ्‍येरीराङ श्‍येलाक शेछारती, खोङबागी श्‍यागा ॱनुम्‍दी सुवालाक, “दे फोरा दे खीकी दो़न्‍दु ॱलुक्‍ला, ङी ठाकगी गोने धाम्‍चा साबागो लाक।

गालातीयापा 3:20

छोक च्‍यीक च्‍यीगा हो़ना बारमी मेघोलालाक धेनी को़न्‍क्षोक च्‍यीकराङ हीन।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 11:28

गोमा केक्‍या भुला मेताला ताङगीनगी़, ईस्‍राएलगी गोमा केक्‍या भुक्‍याला थो ॱमेताङये क्षीदु, धेपागी गोने खी़ पेसाकगी धी़छेन ॱरुवालाक धेनी ठाक तोरपालाक।

ईब्‍रीपा 11:4

धेपागी गोने हाबेलगी खी़ पी़न कायीनने ल्‍हाक, शाङा क्षो़पा को़न्‍क्षोकला पुवालाक। धेनी को़न्‍क्षोकगी हाबेलगी क्षो़पाला थुक्‍ङेउ जेदी, खो ढाङपो चीवालाक। धेनी हाबेल ढोङसारतीयाः धेपागी गोनेराङ, खो धान्‍दा लाब ताङालाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 7:22

उ ॱना देगी झ्‍येरी, येशु नी धाम्‍चा शाङागी गेन श्‍येगीन झ्‍युङालाक।

ईब्‍रीपा 8:13

दे धाम्‍चा देला साबा सुङा जेदी, खोङगी धाम्‍चा धाङपोगोला ॱङीङबा जेदालाक। धेनी ॱङीङबा धाङ धी़चो़ जोक्‍चागो, ग्‍योक्‍वा येरी डुगीलाक।

ईब्‍रीपा 8:6

हीना धा होरी चो क्षो़पो़न येशुला धान्‍दा, क्षो़पो़न ॱङीङबागी लेगेनने ल्‍हाक, श्‍याप्‍ची शाङा थोप हो़तालाक घीझ्‍येरी ॱनाना खोङबा होरी क्षीदु को़न्‍क्षोकमुला धाम्‍चा शाङागी भारमी जेदालाक। दे धाम्‍चागो क्षो़ताम शाङाक्‍याला तेन्‍दालाक।

ईब्‍रीपा 8:8

घीझ्‍येरी ॱनाना को़न्‍क्षोकगी मीक्‍याई क्‍यो़नक्‍या तो़न्‍दा जेदी सुवालाक, “चोवो सुङालाक, ङी ईस्‍राएलगी नाङमी धाङ याहुदागी नाङमीमुला, धाम्‍चा साबा च्‍यीक चुक्‍कीन, ङीमागोक्‍या ॱलेप्‍कीलाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

ईब्‍रीपा 9:19

मोशेगी क्षो़ठीमगी का रे-रे मी घीरीला ढोक सारती, खी़ भी धाङ राक्‍याई ठाक धाङ क्षु ॱरेवालाक धेनी खुलु ॱमाउ धाङ हीसोप ॱनागीन चीस्‍यीङगो, होदे ठाकला बारी क्षो़ठीमगी पेजा धाङ मीक्‍याई खाला तोरपालाक।

ईब्‍रीपा 9:21

देरेराङ झ्‍येरी खी़ घुरखाङ धाङ क्षो़पागी ॱनो़चे घीरीगी खाला ठाकगो तोरपालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।